كتب – محمد الحكيم:
فوجيء متابعو الأعمال التلفزيونية في رمضان العام الجاري بظهور الفنان الراحل فؤاد المهندس، و''بوجي وطمطم''، والفنانة نيللي، و''فاطوطة''، في أحد الإعلانات، الأمر الذي أثار جدلا على مواقع التواصل الاجتماعي ''فيس بوك'' و ''تويتر''.
قالت ''Hala H.Borham'': ''أنا عينى دمعت أما شفت فؤاد المهندس فى الإعلان، بينما قال abdelrahman hamdy، ''أد إيه كان فنان عظيم ودمه خفيف من غير قله أدب أو ابتذال.
وقال ''مّــادو'': ''فطوطة، بوجي وطمطم، فؤاد المهندس، في أحلى من كدة ؟''، وقال ''marwan_hagag'': ''طلعه فؤاد المهندس و ضحكتة و هو شايل الفانوس ..فرحت كل واحد فينا و اللة.
وقال ''Ahmed elsawy '': ''فؤاد المهندس، بوجي وطمطم، فطوطة، فوازير نيللي رمضان لما كان بجد. شكرا عشان فكرتونا بيهم''، وقال ''عبدالرحمن مجدي '': ''يبقى ظهور فؤاد المهندس أحلى و أكثر فكرة مؤثرة في رمضان.. فعلا اللقطة قشعرتني و حسيت أنه واحشنا #فؤاد_المهندس''.
وقال ''Ibrahim Mostafa '': ''فؤاد المهندس عشان كان حقيقي..لسة عايش فى قلوب الناس رغم مرور7 سنوات من وفاته!''، وقال ''Muhamed Nayer Beyram '': ''تأثري بإعلان أستاذنا فؤاد المهندس مش النوستالجيا وإنما الحزن على حال الفن اللي وصلناله، ردح و شتايم وأفورة و اقتباس و سرقة و مستوى رديء''.
