كتبت- هبة البنا:
شارك بائع كبدة متجول في المسيرة التي نظمها مثقفون، الثلاثاء، إلى مكتب وزير الثقافة للإطاحة به، ولم يتضح إن كان انضم للمسيرة تضامنا معها أم لكسب الرزق.
وقال محمد حلال، بائع الكبدة، لـ''مصراوي'' إنه لا يعرف سبب هذه المسيرة، لكنه لا يروقه حال البلد، مضيفا ''محدش بيعرف يمسك ولا يعمل أي حاجة، كل الـ بيمسك عايز يا ينهب يا يسرق محدش بيفكر في مصر ولا غير مصر''.
وبعد علمه أن المسيرة هدفها الاعتراض على وزير الثقافة الجديد قال: ''أنا مليش دعوة بوزير الثقافة أنا ليا دعوة بالـ ماسك البلد حاليا محدش بيمسكها وهو خايف عليها ، كله عايز ياخد بس.. عايز قرشين ينام عليهم وخلاص على كدا.. وبعدين قال الله وقال الرسول، مفيش حد خايف عالبلد''.
وعند سؤاله عمن يراه مناسبا لتولي السلطة انفجر قائلا ''يارب يكون حتى اسرائيلي يكون يهودي بس يعيشنا زي الناس.. احنا نعتبر صيع كدا في الشوارع ولا عارفين ناكل ولا نشرب ولا نعمل أي حاجة، أكتر من كدا ايه تاني! بلدنا ومش عارفين نعيش فيها''.
