كتبت - يسرا سلامة:
من سمراء مصر تلونت بشرتها، ومن سواد علمها تلفحت بأحزان وآلم يكفيها لآخر العمر.. إنها الحاجة ''زينب'' ابنة البدو المصرية الأصيلة، جاءت إلى باب محافظة القاهرة لتشكو حالها وهمها، لعل أحد يسمعها ويحل عنها بعض هذه الهموم.
فمنذ خمسة عشر يوماً، استيقظت ''زينب'' على نار مشتعلة فى غنم البدو من ماعز وفراخ وخلافه، وحريق آخر فى بعض العشش بمساكنهم بالنهضة، ظنت ''زينب'' أنها من ''عركة مع بلطجية''، كما تعودت ''النهضة'' عليهم؛ لتفاجأ بأنهم من مجموعة من رجال الشرطة هجموا على عششهم وغنهم.
''ملحقناش نطلع بأى حاجة من الولعة، طلعنا بهدومنا اللى علينا''.. هذا كل ما أخذته ''زينب'' من الحريق الذى هب فى ''عشش'' النهضة ، وذلك بعد مقتل ضابط من الشرطة قبلها، حتى زادت الأزمة أكثر بين بعض البلطجية وبعض رجال الشرطة؛ لتكون الغنم وعشش السكان ومنهم زينب هى الضحية.
تقول ''زينب'' : ''والله بندفع فلوس الغنم ده فى الشهر عشان نسدد حقه، لا بنطلب مطالب فئوية، ولا عايزين شقق، ولا عايزين أي حاجة، بتحرقوا بهايمنا ليه؟!''، لا تريد ''زينب'' وزملائها من وقفتهم أمام مبنى ديوان عام محافظة القاهرة سوى أن يتركوا غنائمهم، بعد أن استولى رجال الأمن على ما تبقى من الغنائم لوضعها في حديقة الحيوانات، كما تقول ''زينب''.
''احنا ذنبنا إيه، احنا بناكل من الزبالة، الفراخ والغنم بنربيهم عشان نعيش منها''.. كلمات قالتها ''زينب'' بألم لتصف حالها وحال نساء البدو بعد أن جاء الحريق على عششهم، في انتظار أي تعويض من المحافظ، كما لم يجد النساء سوى هتافات تطالب بحقهم ''حرقوا عششنا وقالوا إزالة.. واحنا بناكل من الزبالة''.
تشكو ''زينب'' من ضيق ذات اليد؛ فالأكل تحصل عليه ''شكك'' من البائعين ''والله في عز الحر ولا في عز المطر، بننزل ندور على أكل في الزبالة، ده احنا بناخد الأكل شكك، ومحدش سأل فينا''.. قالتها ''زينب'' والدموع تكاد أن تتساقط حزناً على حالها.
ترى ''زينب'' ومعها أقرانها من نساء البدو أن الشرطة تتعاون مع البلطجية لكى يبقى أهالى النهضة ''اللى منغير دهر'' فى حيرة من أمرهم، منتظرين فرج الله أو انفراج الأزمة ''احنا بناكل فول وطعمية، واللى سرقونا بياكلوا فراخنا وغنمنا'' .
وقفت ''زينب'' تحمل لافتة مطالبها أمام المحافظة، وبلكنتها البدوية التى بقيت بلسانها تعجيت ''زينب'' من أحوالها ''أدي أيام مرسى!، ده احنا فى حياتنا ما شفنا الحال ده، بقالنا 15 يوم فى الشارع بعد حرق العشش ونهب الغنايم، أدي اللى احنا كسبناه من الإخوان''، قالتها ''زينب'' تعبيراً على تردي الوضع منذ تولي الرئيس محمد مرسي سدة الحكم .
