كتب- حسين البدوي:
''منعم عوض'' شاب عشريني -من مخيم جباليا للاجئين- واجه قسوة الحرب في غزة بأغاني الراب فوق أنقاض المنازل المدمرة، في محاولة للتعبير عن غضب شعبه تجاه مايحدث من عدوان.
كلمات أغنية عوض – والتي عنوانها ''غزة لن تموت''- جاءت كالآتي:
أنا ما بغني أنا بصرخ قهر
بصرخ حرب بصرخ بصرخ من جوا القلب
عزيزي هادا مش تأليف ولا من خيالي
سمعت بداني وشفت بعيني
مش ممكن تتحمل كل هاد إلا إذا كنت غزاوي
صافي الإيقاع الأفضل أكون واقعي
صافي الإيقاع صوت الحرب كافي
موزع اللحن في ألات الحرب الحية
خلفية موسيقية صوت صاروخ فلسطينية
دبابة زنانة صوت أف 16الحربية
صوت القنابل من الزوارق البحرية
شعب يطرب ع صوت قصف هاد ''نصر''
العمر واحد الموت قدر وهاد''فخر''
حمام سلام إنخنق من الغاز السام
بنام وبصحى ع صوت القصف بكل مكان
أطفال بتموت حاضنة اللعب والاحلام
مش عارف ينام
الخوف بعيونه سيطر وين الامان
لما تحكي عن الارهاب اذكر ''جيش الاحتلال''
أهلك يا غزة صامدين كالجبال
مجزرة ورا مجزرة والعرب شايفة وساكتة
مذبحة ورا مذبحة والعرب جيوشها هاملة
غزة الصمود ، غزة المقاومة
غزة الوجود ، غزة مش شعارات
المجد والخلود ، لشهدائها الابرار
غزة لن تسقط ، غزة لن تموت
زمن بعيد نفسه إتهجرنا من جديد
تحت قصف شديد أكثر من 60 شهيد
فاكرين صابرا وشاتيلا بس هاد الشجاعية
ع لسان شاهد عيان إبادة جماعية
طلعوا من البيت 50 تحت النار مشردين
بركظوا بركظوا عُزل مش مسلحين
وصلوا بر الامان 10 والباقي مصاوبين مستشهدين
هاد مثال لعائلات
لمين بنتمي لفلسطين ، للرصاصة ، للشهيد
للقذيفة ، للجريح ، للصاروخ ، للوليد
للمقاوم العنيد
بنصلي ، بندعي ، بننطق الشهادتين
بنودع بعض ، بنبكي ، بنتوكل ع الله وبنام
وهكذا ينتهي المساء ، قف إحترام
غزة تتبرع بالدماء ،
لتعيد كرامة العرب الي ماتت من زمان
لسماع الأغنية.. اضغط هنا
لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا
