بالتعاون مع- بوابة -صوت الشعب
تصور ان مستر كوبر بقاله سنتين معانا اه والله سنتين كاملين عدا ونقدا وفردا وزوجا وهيبقي كمان معانا لو وصل كاس العالم في روسيا الي ماشاء الله وممكن نعمله تمثال في ميدان التحرير او في ميدان رمسيس او في ميدان المساحة او حتي في ميدان المتحف المصري الكبير وممكن تصحي من النوم تلاقي الحكومة قررت ان تمثال مستر كوبر يبقي مكان ابراهيم باشا او إصبع في ميدان الأوبرا بالعتبة الخضرا -سيبك انت -من كل اللي فات ده -مستر كوبر قاعد في فيلا فاخمة جدا في مدينة سته أكتوبر -فين في ستة أكتوبر -فيه كوبند ورا مشروع الهدف -هتلاقيها هناك المهم ان إيجارها ونورها وميتها وغازها وأكلها وشربها -علي حساب اتحاد الكرة -العربيه اللي مستر كوبر بيركبها ويتفسح بيها وبنزينها وقطع غيارها وميتها وكلاكسها -بيب -بيب-علي حساب اتحاد الكرة ومش بس كده ده كابتن محمود فايز المدرب المساعد والمترجم قاعد في شقة فاخمة علي حساب اتحاد الكرة وعربية كمان علي حساب اتحاد الكرة -ومش بس ده ده جوزيه بانته المدرب العام لمنتخب مصر الوطني كمان له نفس المميزات يعني شفة فاخمة وعربية فاخمة علي حساب اتحاد الكرة بحسبة كام في السنة ياجماعة الحكايات دي بالاضافة طبعا الي الشاي والقهوة والحاجات الساقعة والحاجات اللي مش ساقعة والجاتوهات والسلزيونات والشربتات احنا بس بنتكلم علي المصاريف الرسمية مالناش دعوة بقي بعزومات واحة خطاب المجانيه او غيرها من العزومات احنا بتكلم عن اللي بيطلع تحت بند -مصروفات المدرب الأجنبي -زي ماالميزانيه الرسمية بتقول -٩مليون و٢٥٠ الف جنيها في السنة الواحدة يعمي بِسْم الله ماشاء الله شاي مستر كوبر بس بيتكلف علينا كام ده بخلاف مرتبه ومكافاته وحوافزه وغيره ؟ومش عايزه يوصل كاس العالم ليه يعني يبقي حررررام -استنوا بقي في حاجات تانيه برضوا شاي وقهوة وخلافة .
