ايجى ميديا

أبو حفيظة قال باكيا: «الأسبوع اللي فات حصلت حاجة سببت شرخ جوايا بحاول أتناساه، لكن كل ما بقابل حد ويفتح الموضوع يرجع تاني الجرح يتفتح جوايا، الإسبوع اللي فات المشير السيسي وجه دعوة للإعلاميين علشان يقابلوه وبعدها يتعشوا معاه، وطبعا من المحزن، واللي مش فاهم له تفسير، إن أنا مكونش من ضمن الناس اللي اتوجهت لهم الدعوة».

وأضاف: «ليه يا سيادة المشير؟!، هل من المنطقي توجه الدعوة لتلامذتي وتتجاهلني أنا؟!، يوسف الحسيني وخيري رمضان ووائل الإبراشي فيهم إيه أحسن مني؟، معلش يا سيادة المشير أنا هعتبر إن الدعوة ضاعت في البوسطة، وأنا بقى حسابي مني للبوسطة، وحاجة زي كده في المرات الجاية أتمنى إنها ما تتكررش».