ايجى ميديا

لميس قالت – في برنامجها «هنا العاصمة» على قناة «CBC»- موجهة حديثها لقنديل: «طب طالما هو إعلام سوقي وقليل الأدب بتطلع عليه ليه؟، وكل ما نفتح الحنفية نلاقي حضرتك في كل مكان، هذا الإعلام اللي بيستفز الجماهير هو الإعلام اللي نزل الناس في 30 يونيو بينما كنت أنت قابعا في منزلك تدافع عن مرسي».

وأضافت: «الاستاذ حمدي متضايق من الإعلاميين ومني أنا بالذات، وبيقول هناك سيدة تتصدر المشهد الإعلامي، أشكرك إنك شايفني أتصدر المشهد الإعلامي، هذه حقيقة وشرف لا أدعيه، ده الناس اللي خلتنا نتصدر المشهد الإعلامي بثقتها فينا، وكان ممكن حضرتك تتصدر  المشهد لو الناس واثقة فيك».

واستنكرت مطالبة قنديل للإعلاميين بالاعتذار، قائلة: «مين اللي يعتذر؟!.. ده انت لو قضيت حياتك كلها تعتذر للشعب العربي، حياتك مش هتقضي، هتعتذر للشعب المصري اللي خدعته لما دافعت عن مرسي، ولا الشعب الليبي اللي أخدت فلوسه علشان تدافع عن ديمقراطية القذافي، ولا الشعب السوري اللي قعدت سنين تدافع عن بشار الأسد وتراه ليس نموذج للتوريث، الحقيقة أن الأستاذ حمدي بيكتب مواقفه بقلم رصاص وفاكرها بتتمسح بأستيكة، لكن المواقف بتتحفر في قلوب وعقول الناس وتاريخ الصحافة».