"يعني سيبتوهم يدخلوا قصر الرئاسة ويعتبروه عزبة أبوهم، وتركت لهم معلومات تخص الأمن القومي لمصر كطعم يبلعوه، أوهمتوهم باصطياد كنز ثمين، راقبتوهم وهما بيسربوه لأجهزة مخابرات دول أخرى معادية، سجلت لهم صوت وصورة عملية التسليم وقبض التمن، عرفت ظابط المخابرات القطري اللي بيقود الصفقة".
وتابع "مصطفى" في تدوينته: "سيبتهم خاااالص لحد ما قناة بتاعتهم اللي اسمها الجزيرة نشرت واحدة من الوثائق دي في نشرة أخبارها من يومين، واللي المفروض الخائن الأعظم مرسي هو المؤتمن عليها باعتباره الرئيس وكانت في خزنة مكتبه اللي لا تفتح إلا بأمر مباشر منه بكل غباء نشرتها الجزيرة وفضحته ولفت حبل المشنقة نحون رقبته".
واستكمل: "جيت حضرتك أعلنت عن عملية التخابر إمبارح صوت وصورة بالاعترافات وأكدتها بتسريب أحد الوثائق المسروقة في نشرة أخبار قناة الجزيرة، حضرتك بكده مش بس لفيت حبل المشنقة نحو رقبته بمنتهى المهارة والهدوء، إنت عملته فيونكات، كان ممكن تكتفي بالقبض عليهم وقتها لكنك سيبتهم لحد ما جبت طرف الخيط من أوله وعطيتهم كل الأمان عشان وقت الحساب محدش ينكر ".
كما نوه: "مفيش جهاز مخابرات في الدنيا بيعمل كده خوفا من إفلات الصيد الثمين لكن إنت عملتها، تسمح لي أتجاوز وأقول لحضرتك، يابن اللعيبة، حفظكم الله ".
