ايجى ميديا

وجه المطرب والملحن عمرو مصطفى، رسالة إلى مؤيدي المشير عبد الفتاح السيسي قال فيها :"للعلم: أي حد من مؤيدي السيسي هيتخيل إنه كده كده ناجح وكسبان، فيأنتخ ويطرمخ على عمل التوكيل ثم النزول للإدلاء بصوته لصالح مرشحه، يبقى اعرفوا إنكم بتضروه ومش هتنفعوه ؟".

وأضاف مصطفى في تدوينة على صفحته بموقع "فيس بوك"، اليوم الأحد:"لازم تكون إيجابي و إياك من الثقة الزايدة اللي تكلبشك مكانك وتخليك غير متحمل للمسئولية.. بل الثقة الصحيحه هي اللي تخليك إيجابي وفعال وتتحمس إنك تشارك صح بإرادتك وصنع قرارك إنت مش ينيب عنك حد".

وتابع :"و افتكروا اللواء عمر سليمان رحمه الله خرج من السباق بسبب عشرات التوكيلات الناقصة !!.. احذروا الأنتخه والتنبلة سواء بالتخلي عن عمل التوكيل والأهم الأهم الأهم النزول والإدلاء بصوتك في الإنتخابات.. صوتك أمانه ومهم وأساسي ويصنع المصير.. احذروا وعوا..... وإياكم حد يقول أنا طالع أصيف والخير والبركة في اللي موجودين ؟!!! تبقى مصيبتك مصيبة ومصيبة بلدك هتبقى أكبر.. شارك بمسئولية.... سأنتخب السيسي.. هنتخب السيسي".