على اسم مصر سجِّل التاريخ أروع الصفحات
وقال أُم الدنيا وأم الحضارات
بلد الطيبين الشقيانين من المهد حتى الممات
على صفحة نيلها ملايين الحكايات والذكريات
وأسماء عظيمة حفر التاريخ عنها المجد والروايات
والكل أحب مصر لكن أنا عاشق يا أم الأهرامات
يا قاهرة المعز والمذل للإرهاب وكل الدكتاتوريات
فقيرة أو غنية بحبّك من سُكات
ده أنتِ عمرى وأنتِ كل الذكريات
بحبّك رغم فَقرك لأنك بسيطة ومنبع الثقافات
وكل وطن له بديل إلا مصر من سابع المستحيلات
على اسم مصر
طه حسين ونجيب محفوظ وزويل وغالى ويعقوب والسيسى
اللى قال للأعداء والخونة والإرهاب مصر مابتنحنيش
لأن مصر كبيرة عظيمة لا تنكسر ولا تنطوى
على اسم مصر
اتعَرَفِت النكتة من ولادك اللى بيغزلوا من أحزانهم البسمة
لكن الأمل فى بكرة يطلع نهار يبدد الظلمة والعتمة
وسنين القهر والاستبداد لعصر الحرية والرحمة
لأن شعبك محتاج مَن يحنو عليه
ويبرّ ناسه وشعبه مثل أبنائه ووالديه
وبمشروع قناة السويس ومشروع منخفض القطارة
هتكون دى بداية الطريق والإشارة
لعودة مصر بلد التقدّم والحضارة
البلد اللى أنشأ فكرة الأديان والمهارة
وعلّم العالم قبول الاختلاف وتعدد المعتقدات والاستنارة
ومكتبة الإسكندرية القديمة الجديدة شاهد ومنارة
ومحمد على اللى سَن قانون حرية الأديان والعبادة
واليوم السيسى بيكمّل المشوار بوطنية وبسالة
وعلى اسم مصر صنع التاريخ تاريخه
وقال مصر الفراعنة معجزة حقيقية وباقية
على اسم مصر
صنعنا الحب والثورة والحرب والسلام
على اسم مصر كَتَبَت ملايين الأقلام
صفحات مُشرفة تزهو بها الصحافة والإعلام
وعلى اسم مصر اتنَسَجِت كل الأمانى والأحلام
وعاشت الدنيا فى نور مصر رمز الاعتدال والسلام
وجيش مصر علّم العالم الوطنية والأمان
وحمى مصر من مؤامرة الصهاينة والإخوان
د.مصطفى راشد عضو اتحاد
الكتاب الإفريقى الآسيوى
