القاهرة - نورهان صلاح
نشر مذيع فضائية "الجزيرة مباشر مصر"، نص حوار دار بين الكاتب الصحفي مصطفى النجار ولواء عسكري.
جاء نص المكالمة كالاتي:
اللواء: يا دكتور مصطفى، بلاش تتكلم عن حقوق الإنسان والتعذيب، وخلينا نعرف نزبط البلد ونحكمها، وسيبوكم من أوهام الديموقراطية دي، وبلاش تحلموا إنكم هتبقوا زي أوروبا وأمريكا.. الديموقراطية بتاعتكم دي هناك لكن هنا لأ، ولو مصمم عليها إنت والبروفيسور حمزاوي والبوب بتاعكم خدوا بعض وسافروا وعيشوا هناك وريحوا دماغكم.
ولو كتبت ضد اللي حصل في عربية الترحيلات يبقى إنت ضد البلد، ولو عايز تبقى وطني يبقى لازم تسكت، وسيبونا نصلح البلد من الخراب اللي إنتو عملتوه بالثورة بتاعتكم.. إنت فاكر نفسك عشان مشهور وكنت نائب في مجلس الشعب محدش هيقربلك؟! إنت لو فضلت كده ومغيرتش آراءك دي هتدفع تمن غالي إنت مش أده، وأوعى تفتكر إن حد هينفعك، معندناش حد كبير وخد بالك, هنقول عليك إخواني وبتدعم الإرهاب".
جاء ذلك حسبما أفاد به مذيع قناة "الجزيرة مباشر مصر".
