ايجى ميديا

عرض الكاتب الصحفى عبدالرحيم علي، خلال برنامجه "الصندوق الأسود" على قناة "القاهرة والناس"، مكالمة لمصطفى النجار عضو مجلس الشعب السابق، والشاعر عبدالرحمن يوسف، نجل الشيخ يوسف القرضاوي .

وأشار عبدالرحيم إلى أن "النجار" شارك فى اقتحام جهاز أمن الدولة وتحصل على أربعة هاردات كمبيوتر، وملفات ضمت علاقات نسائية بنساء مشبوهات لنجل القرضاوي, وملف آخر للإعلامية منى الشاذلي.

احداث المكالمة :

مصطفى النجار: إيه يا عبد الرحمن بيه

عبد الرحمن يوسف: إيه يا شقيق

مصطفى النجار: يعني يعني كل مكالماتنا متسجلة أنا وسيادتك .. يا كبير يا كبير يا علاقاتك النسائية يا كبير.. كاتبين عنها يا صايع.. يا علاقاتك المشبوهة يا كبير

عبد الرحمن يوسف: قول لي كاتبين إيه قول لي

مصطفى النجار: كاتبين زفت يا كبير .. جايبين تاريخك من يوم ما اتولدت

عبد الرحمن يوسف: طب اديني الملف ده يا .... حالاً

مصطفى النجار: أدهولك فين اتاخد مني من الشرطة العسكرية وملف الجمعية الوطنية كمان.. بس ماتقلقش اللي الشرطة العسكرية خدته هيتحرق.. واخد بالك متسلمش للنيابة.. اتاخد مننا وضربونا كده حبه.. بس طالع بشويه حاجات كده

عبد الرحمن يوسف: معاك حاجات

مصطفى النجار: آه بس الملف بتاعك اتاخد.. آه بس يا كبير لقيت ملف الجمعية الوطنية ومكالماتي أنا وعبد الجليل مصطفى وشتيمتنا على البرادعي.. ويكليكس ويكيلكس يا كبير.. القصة معاك غريبة يا كبير

عبد الرحمن يوسف: طب احكيلي بقى .. احكيلي قول لي

مصطفى النجار: الكلام بيقولك علاقات نسائية بنساء مشبوهات.. في مصر الجديدة وفي مدينة نصر وقصص كده وسهرات وكاتبين إنه ليس له اتجاه إسلامي بل منحرف الخلق.. يا لهوي يا لهوي يا كبير.. لأ ده أنا بكره لازم أعمل حلقة مع منى الشاذلي.. ومعايا ملف منى

عبد الرحمن يوسف: انت خدت حاجة معاك

مصطفى النجار: أيوه خدت خدت 

عبد الرحمن يوسف: خدت إيه

مصطفى النجار: خدت ملفات وورق ناس وحاجات هربناها وخدنا 4 هاردات كمبيوتر وفلتنا بيهم.