ايجى ميديا

سعد قال: «أنا عايز أكلمكوا في موضوع حساس شوية، بس عايز أتكلم فيه أصله ناقح عليا أوي، هو إحنا مش بيبقى عندنا حاجة اسمها رصيد، يعني مثلا لو ممثل كبير عمل مسلسل وحش، نقول معلش هيعمل واحد تاني حلو، اللي انا لاحظته في موضوع باسم يوسف، إن باسم كأنه مالوش رصيد عند الناس، طوب الأرض بيشتم باسم ليه؟!».

وأضاف -في برنامجه «آخر النهار» على قناة «النهار»- إن باسم كان له فضل كبير في الإطاحة بالرئيس السابق محمد مرسي ونظام الإخوان، وكان يضحك المصريين على همومهم، مشيرا إلى أنه إذا كان لدى البعض اعتراضات على الفكر المطروح في الحلقة، أو ما وصفه البعض بالخروج عن حدود الأدب،إبداء الاعتراض دون اللجوء لكل هذا الهجوم.

وتابع: «مش باسم ده اللي قعدنا نتفرج عليه لمدة سنة مسخر فيها الإخوان المسلمين عن حق وعن جدارة، مش ده اللي كان بيضحكنا على همومنا؟، أولا باسم  ما عملش حاجة، لأنه قال من الأول للكبار فقط وبيقراها كل حلقة، ثانيا نفترض انه تجاوز نقوله يا باسم ما تتجاوزش، حتى لو قال وجهة نظر معارضة وماله؟، طب ما هو كان بيقول أيام مرسي، ولو مش عاجبك برنامجه ما تشوفهوش.. أنا شايف الحقيقة الهجوم على باسم غير مبرر».