فقدت الفنانة غادة عبدالرازق أعصابها بعد أن قام الإعلامي باسم يوسف من السخرية منها في برنامجه "البرنامج"، بسبب خجلها أثناء ذكر اسم الفريق عبد الفتاح السيسي في "أنا والعسل"، البرنامج الشهير.
ردت غادة في ما يقرب من 15 تغريدة على باسم وقالت بالترتيب: "كان عندنا أمل انك تبقى فاهم الديمقراطية بس للأسف طلعت مش فاهم حاجة خالص يا خسارة كنا بنحبك"، و"مش مهم أنا المهم الفريق إللى نجدنا من الخراب إللى كنا عايشين فيه هو عمل إيه لمصر برنامج باسم يوسف، للأسف كنت بحبه بس عمري ما هحبه أكتر من جيشي، لو سكتنا المرة دى المرة إللي جاية هيتمسخر على الجيش يا مصريين يا محترمين الراجل اللى وقف في وش أمريكا وعملنا كرامة لأول مره في تاريخ مصر".
استطردت غادة تغريداتها قائلةً: "ويا ترى أوباما دلوقتى بتفرج على الحلقة وبيضحك ولا باسم بيرد الجميل لأمريكا علشان الجايزة الى ادوهالو قولتلكم مليون مرة مش علشانًى أنا مش مهم ده بيحصل معانا دايمًا ومتعودين عليه أنا بتكلم على شيء واحد وهو خط أحمر الجيش، وبعدين عمال تقول دكر دكر ما أنت واضح إنك معندكش الكلمة دى فى قاموسك الرجولي وزعلت إنها اتقالت عليه، واضح أن الفريق حارق ناس كتير أوى يارب دايمًا علي طول".
أضافت غادة: "يلا يا عملا للأمريكان وقطر وإسرائيل من هنا ورايح لو انتو فكرينا هنسكت مش هنسكت مش كفاية الناس الى ماتت بسببكم يا خاينين يا عملاء، طبعا الطابور الخامس ابتدى بالبردعى ودلوقتى باسم يوسف بس ده فى الحلم مصر هي الجيش المصري يا خونه، عايزين تدخلونا تانى فى نفق مظلم مش هيحصل أبدا كنتو فين يا خونه في الأيام السودة الى عاشتها مصر من تحت رأسكم فلحين بس تطلعوا فى البرامج، دكتور فشل فى مهنته وراح يشتغل مذيع وياخد ملايين اسألوه بياخد كام البيه دلوقتي".
