وأضاف رامي صبري عبر صفحته الشخصية على موقع التواصل الاجتماعي فيس بوك قائلا: لو انت فاشل في حياتك و ماعرفتش تنجح ما تحملش أخطائك على مبارك.
وقال :"أنا شخصيا عشت أحلى أيام حياتي أيام مبارك - لو حد معترض على فترة حكم مبارك أقوله لو أنت مكنتش ناجح دي مشكلتك أنت بس ،في ناس كتير عرفت تشق طريقها و تنجح و توفر لنفسها و اهلها عيشه كريمة".
و حمل صبري مشاكل المجتمع المصري في الفترة السابقة للشعب الذي وصفه بالكسل قائلا : المشكله مش في مبارك المشكلة في شعب كسلان عايز يشتغل ساعتين تلاتة في اليوم و ياريتهم بذمة و يطلب أن الحكومة تصرف عليه و تديله دعم.
وقال :الشعب الامريكي و الكندي و الأوروبي و الاسترالي و الصيني و الكوري و الماليزي و البرازيلي و غيرهم من الدول المتقدمه التى تقدمت في العشرين سنة الأخيره بيكون في الشارع الساعه ٥ صباحا و ما بيرجعش بيته قبل ٥ مساء و بيشتغل ٨ ساعات كاملة في اليوم من غير شاي و قهوه و جورنال و تزويغ بدري و حد يمضيلي و ماعلش اتاخرت علشان الزحمة و الكلام الفاضي ده و فوق كل ده بيدفع ٣٥ ٪ من مرتبه ضرايب علشان ياخد خدمات محترمة من الدولة.
وأشار رامي صبري إلى أن الشعب المصري بعيد عن المقارنة بالشعوب في الدول المقدمة ، مؤكدا أن المشكلة مشكلة عقلية جزء من الشعب اتكالي لم تتغير .
