قام الفنان خالد الصاوى بكتابة قصيدة هاجم فيها الإخوان، ونشرها عبر صفحته الشخصية على موقع التواصل الاجتماعي "تويتر" تحت عنوان "شفت حكمة ربنا"، وأكد فيها أن الإخوان اتكشفوا على حقيقتهم وأن استخدامهم للعنف انقلب عليهم وأثبتوا أنهم ليسوا مصريين.
وإلى نص القصيدة كما جاء على تويتر ..
يا سلام يا ربنا
حكمتك غامضة علينا
فجأة.. تتجلى لنا
في الأخيرة هي تحكم
نفهم الرحمة وباريها
شفتوا ياللي عملتوا فيها
الجماعة المؤمنة؟
آدي حكمة ربنا!
ما انتو لا خدتوا بضميركم
ولا خدتوا مننا
وآدي هي البينة
لما تيجوا تخلَّصوا
تفحشوا.. فتخلصوا
يبقى هو ده خلاصنا
وبرصاصكم مش رصاصنا
شفت يا بني البينة؟
شفتوا حكمة ربنا؟
قلتوا إن الدين سبيلكو
واحنا أعداء ربنا
فاللي يحمي الدين ده منكو
هي وقفة شعبنا
تخسروا الدين والوطن
تترموا برة الزمن
وبوحاشة قلبكم
واتحادنا كلنا
تتنفوا من نفسكم
تختفوا من وسطنا
شفت يابه البينة؟
آدي حكمة ربنا
يللا سكة.. بالسلامة
افتحوا لدول سكة آمنة
أما دول.. سكة ندامة
يللا حلوا النحس عنا
روحوا توبوا لربنا
ياللي دنستوا العمامة
واغتصبتوا مصرنا
لا انتو إصلاح ولا ثورة
ولا باقي أهلنا
غصب عنكم مصر حرة
ومباركها ربنا
شفتوا حكمة ربنا؟
تطلعوا خونة وكفرة
تطلعوا مش مننا
شفتوا مغزى البينة؟
يللا يللا حلوا عننا
اختفوا من وشنا
