ولعل السبب المشترك بين جميع من شاركوا في حملة "حاكموا..السبكي، هو المستوى الهابط للفيلم، وفق ما قاله العديد من النقاد ، وضعف المحتوى والأداء التمثيلي، ما دفع الكثيرين إلى التساؤل: ما الذي يجعل هذا الفيلم يتربع على عرش أفلام العيد ولماذا علينا محاكمة كريم السبكي.
الإجابة تلخصت في التغريدات التالية:
abn_semsem@: نعيب على السبكي والعيب فينا ... يعني هو كان هيكسب ازاي إلا بينا.
marw2aa@: الفكرة مش في السبكي لكن في ثقافة الشعب اللي عايز الأفلام دي وبيدخلها.
sherwet_ismael@: اللي بسببه بقالي فترة طويلة مش قادرة ادخل السينما اتفرجلي على فيلم محترم .. لأنه في مواسم زي كدة بيحتكر دور العرض بأفلامه.
ro2a_shahen@: لان ده واحد جشع كل همه الفلوس ويبيع سلعه رخيصة.
R_Nabeil@: لما تلاقي نص شباب مصر قدام السينمات عشان يتفرجوا على افلام كلها سفالة ... يبقى مش عايزين ثورة شعب .. احنا عاوزين ثورة اخلاق.
sherio28@: يفرق ايه عن اللي بيخون البلد !! او اللي بيتاجر في المخدرات !!! بيشوّه وعي أجيال ويفسد عقولاً.
SalmaZz45@: عايزين افلام تكون ليها معنى مش بتعلم شبابنا الشتايم والتحرش والمعاكسة.
Rona_Hisham@: هو السبب في الأزمة الأخلاقية اللي موجودة في مصر لو كنا في بلد متقدمة كان هيتسجن على الأقل 10 سنين.
shaimaa_hosny19@: يكفي ترويجه للتحرش الجنسي والانحطاط اللفظي في أفلامه بشكل يظهر كأنه شئ عادي ومقبول، رغم انه لابد من توعية الشباب الصغير بالعكس.
