وكتب سليمان عبد الملك على صفحته بموقع فيس بوك قائلا : كل اللي فرحان بأنه عرف قصة اسم مؤقت عشان شاف فيلم Unknown احب اقوله معادنا الحلقة التلاتين يا معلم واوعدك انك هتغير رأيك".
وعندما فوجيء سليمان بعدها بهجوم عدد كبير من متابعيه، خاصة وان الحلقات الثلاثة الاولى من المسلسل كشفت التشابه الكبير في الفكرة والاحداث بين العملين، وسط مطالبات من البعض بأن ينوه على "تيتر" العمل عن انه مقتبس من عمل اجنبي، عاد ليبرر موقفة ، قائلا : "لإن موضوع التشابه بين اسم مؤقت وفيلم Unknown كتر، لازم نفسر وأمرنا لله.. فيلم Unknown متاخد من رواية اسمها خارج رأسي Out of my head لروائي فرنسي ..وكونك ما تعرفش الحقيقة دي ..وان الفيلم مش أوريجنال عشان يتنحت منه.. فدي مسألة تخصك أكيد".
واضاف:" قبل الفيلم والرواية في 1995 اتعمل مسلسل اسمه Nowhere Man مبني على نفس التيمة، رجل يجد كل من حوله ينكرونه فجأة وبيحاول يدور على السر، وطبعا ما تنساش فيلم Network لساندرا بولوك اللي فقدت فيه هويتها وبقت مطاردة من جهات مجهولة.. تيمة فقدان الذاكرة اتعملت كتير.. عندك رباعية Bourne وMemento وLong Kiss Goodnight آخرها كانت رواية بتتحول دلوقتي لفيلم Before I go to sleep بطولة نيكول كيدمان.. وهي مادة خصبة لأعمال كتير".
الطريف ان المؤلف بحث عن مبررات لاقتباسه فكرة العمل ولكنه لم يفكر في التنويه الى ذلك رغم ان كثير من الاعمال المصرية مستوحاة في الغالب من اعمال ادبية او درامية او سينمائية اجنبية .
