الحسينى ساخرا: بعد كده لما واحد يكلم (متولي عبد المقصود) يقوله « ما تيجي ونجيب مليجي »
انتقد الإعلامي يوسف الحسينى، مُقدم برنامج "السادة المحترمون" على قناة "أون تي في"، صلاح عبد المقصود، وزير الإعلام، بسبب رده على سؤال لمراسلة قناة "النهار" عن " محتوى الإعلام المتطور فى التليفزيون المصرى "، أمس خلال مؤتمر صحفي وقوله لها "تعالي وأنا أوريكي زي ما قالت زميلتك فين التطوير وفين المضمون".
وسخر "الحسيني" من رد " عبد المقصود " قائلا " يا واد يا لمض إيه خفة الدم دي، دي خفة دم ولا تطاول .. بعد كده لما واحد يكلم (متولي عبد المقصود) يقوله ما تيجي ونجيب مليجي ".
وتابع: " يا أخي هي حرة دي رؤيتها، ورؤية القناة إن مفيش تغيير في التليفزيون، ودافع أنت براحتك عن نظامك ".
وكان "عبد المقصود" قد أعاد تكرار إيحاءاته اللفظية في رده على مراسلة النهار، قائلا في رده على سؤال حول تطوير الاستوديوهات تعالي وأنا أوريكي زي ما قالت زميلتك .. أوريكي فين التطوير وفين المضمون ".
وردت داليا أشرف مراسلة النهار بأن الوزير يعيد أسلوب النظام السابق فرد عليها الوزير، قائلا إن كلامها يجب أن يكون منضبطا .. وأضاف " إحنا مش نظام سابق .. واللي ما يشوفش من الغربال يبقى حاجة تانية ولا يستطيع أحد أن يقارن التليفزيون بفترة ما قبل الثورة ".
