ايجى ميديا

نشرت صفحة "أنا أسف ياريس" مقطع فيديو قديم للرئيس السابق محمد حسنى مبارك والذى كان يتحدث فيه عن الجماعات الإسلامية والإخوان.

 وقال مبارك فى الفيديو  :"أوعوا تصدقوا أنهم جماعات عايزة ديمقراطية ولا حاجة، دول بيستغلوا الديمقراطية علشان يضربوا الديمقراطية ولو وصلوا للحكم هتبقى الديكتاتورية البشعة.. وهيقولوا الحكومة حرام ، الخدمة فى الجيش حرام ، الخدمة فى البوليس حرام والحكام كفره.. طب وانتم المؤمنين بالله واحنا مش مؤمنين بالله".

وجاءت التعليقات على مقطع الفيديو مناهضة للحكم الإخوانى ومطالبة بإسقاط الرئيس محمد مرسى ، حيث قال أحدهم "عبد الناصر قلها زمان الإخوان ملهمش أمان" ، وقال أخر "بجد مبقتش عارف مين الكذاب ومين الصادق بس اللى عارفه ومتأكد منه أن ربنا مبتلى البلد دى فى كل حكامهما".

وعلق شخص أخر قائلا "أقسم بالله إننا لو سيبنا مرسى ما نستاهل نعيش فيها.. اللى مات فى المنصورة ده كان ممكن يكون أنا أو أخويا .. وهو فعلا أخويا .. دلوقتى كل واحد فينا مستنى يجيب أخوه أو حد من أهله من المشرحة ، وكل يوم نكتب خبر موت 20 واحد .. أمال مبارك بيتحاكم على إيه .. وكلنا عارفيين أن الإخوان هما اللى قتلوا الناس فى موقعة الجمل ..وهما اللى فتحوا الأقسام والسجون .. مستنيين إيه علشان نتحرك ونجيبه من بيته يارجاله مصر".