كشف الناقد الرياضي احمد عويس علي صفحتة بموقع اتواصل فيس بوك عن مجموعة من المفاجات منها تشفير الدوري المصري واغلاق قنوات رياضية واطلاق قنوات اخري وقال عويس _
بوست طويل شويه بس هاوضح فيه شويه حاجات مهمه بتحصل وهاتحصل في الايام اللي جايه
امبارح النادي الاهلي منع برزنتيشن من انها تدخل مباريات الفريق بسبب تاخر الحصول علي مستحقات النادي بسبب ازمه الرعايه والحقيقه مش الاهلي اول نادي عمل ده ولا اخر نادي هايعمل ده ليه لان برزنتيشن فعلا عندها ازمه ماليه حاده طيب ايه الاسباب تعالو اشرح الاسباب ببساطه عشان بس الناس تفهم
في بدايه الموسم برزنتيشن باعت البث الفضائي الخارجي للدوري لصله و صله كانت عن طريقه المستشار ترك ال شيخ وتقريبا الرقم كان 450 مليون جنيه مع عائد البيع لمجموعه اون كان الموسم مكفي وكسبان و كده رضي .برزنتيشن فتحت صدرها ماهو جالها فلوس بقي كتير رحات مزوده بعض عقود الانديه عشان يعني انا اتبسطت فا ابسطكم معايا .صلح دفعت تقريبا مقدم عقد 3 مليون دلاور و بعد كده كان فيه اقساط في اغسطس اتاخرت المهم يعني عشان مطولش عليكو تقريبا اللي دفعته صله لم يتعدي ال 75 مليون جنيه .حصلت ازمه النادي الاهلي مع المستشار ترك ال شيخ و سحب الراجل كل استثمارات صله في مصر ماعاد نادي بيراميدز و لغي عقد الاهلي و لغي عقد البث الفضائي و ده اللي بدا الازمه .هنا برزنتيشن لقت نفسها بعد مرور تقريبا عشر اسابيع اواكتر من الدوري يعني البث الفضائي للدوري علي اي محطه عربيه مش هاينفع بالاضافه لان اي دوله عربيه هاتفكر تشتري الدروي هاتعمل خاطر للمستشار ترك ال شيخ ومش هاتشتري .هنا كانت الازمه الحقيقه للسوق الكروي في مصر خروج ترك ال شيخ وعدم قدره برزنتيشن علي بيع الدوري فضائيا وهو العائد الحقيقي للدوري .
تعالو نروح بقي لاون سبورت اللي رغم انها بتعرض الدوري تقريبا بصوره حصريه الا انها لم تحقق حتي الرقم المفروض لبيع الدوري لها و ايه السبب تعالو اقولكم ايه السبب
السوق الاعلاني المصري يعتمد بصوره اساسيه علي ست شركات اربعه بتوع الاتصالات و اتنين بتوع حاجه ساقعه مع وجود بعض الشركات اللي بتظهر وتختفي و لكن دون وجود حقيقي للاعلان طوال العام
سوق كره القدم في غياب الجماهير و الاحتقان الموجود اصبح مش مغري للشركات و اصبحت الشركات الكبري بتحط بس بعض الحملات في المباريات الهامه و من البدايه مفيش شركه كبيره اتحمست انها تبقي راعي للدروي و كمان السوق الاعلاني تقريبا نصه بيروح لشهر رمضان و كمان السوق الاعلاني في مصر تقلص بصوره كبيره اوي في ارقامه
طيب ايه الحل دلوقتي للازمه الكبيره دي
الموسم ده للاسف مفيش حل وهاتفضل الازمه مكمله لحد اخر الموسم انما فيه حل خلاص اشتغلو عليه وتقريبا هايكون الجل السحري لازمه اقتصاد كره القدم في مصر ايه هو الحل
تايم سبورت اللي طلعت عشان كاس الامم فيها الحل ازاي يا كابتن حسين هي الحل
اقولك الحل ايه تايم سبورت هاتكون قناه ارضيه ببث ديجتال او اتش دي كما نعرفها و هاتكون الصوره فيها عاليه الجوده وفي نفس وقت اطلاق تايم سبورت التلفزيون بيعمل تقويه لشبكات البث الارضي عشان تغطي كل ارجاء مصر و كمات هايوفر بسعر رخيص جهاز الاستقبال للبث الارضي و كده يبقي خلاص تم توفير المشاهده للمواطن في مصر عن طريق البيث الارضي المحترم
تايم سبورت هاتكمل و غالبا اون سبورت هاتقفل و هايتم عرض الدوري المصري علي تايم سبورت وربما النيل للرياضه و كمان فيه محاولات لشراء بعض البطولات الكبري للاذاعه علي البث الارضي لان شراء المباريات علي البث الارضي اسهل بكثير من الشراء علي البث الفضائي
الجزء التاني من خطه انقاذ الكره المصريه وعقود الرعايه هو بيع الدوري المصري حصريا اما لاحد القنوات العربيه المفتوحه او تشفير الدوري المصري عن طريق احد الشبكات و غالبا هاتكون ابوظبي الرياضيه اوالسعوديه الرياضيه في حال الوصول لاتفاق اما في حال صعوبع البيع فا من الممكن اطلاق قناه رياضيه جديده تضم مجموعه من مقدمي البرامج الشباب و عرض الدوري عليها بصوره حصريه و تشفير علي جهاز مصري و لكن الموضوع الثاني صعب و اعتقد ان الاسهل هو البيع للمحطات العربيه باعلي سعر
البوست طويل بس سيناريو الايام اللي جايه في البث الفضائي و الدوري و انا وانت صباح الخير
