سمر صلاح تكتب -عليه العوض ..
"عليه العوض ومنه العوض" كلمة دايما بنقولها لما بنيأس او بنصبر نفسنا ان إللى عدى مكانش لينا و ان اكيد ربنا هيبدله بالاحسن بس فى وقته و ان اختيارات ربنا دايما احسن و اجمل. زمان قريت رسالة في بريد الجمعة ارسلتها فتاة للأستاذ عبد الوهاب مطاوع قالت فيها : - طول عمرى بنت مختلفة شاطرة في دراستى و شغلى لما كبرت شوية حسيت انى اقدر اشتغل و انجح لحد ما بقيت فى منصب كويس بس فجأة اكتشفت اني بقيت 34 سنة بمقاييس الأهل كارثة مهما كنت ناجحة في حياتى هفضل فى نظرهم فاشلة لحد ما اتجوز و اعمل عيلة و فى يوم اتعين معايا في الشغل شاب جديد أظهر اهتمامه من البداية مهذب جدا و قبل ما يمر شهر طلب يقابل والدى اتخطبنا و لما بدأنا في اجراءات الزواج طلب منى صورة البطاقة وإذا بوالدته تتصل بى لتخبرنى ان كل شىء قسمة و نصيب يا بنتى انا عاوزة اشوف احفادى و لا أنا و لا ابنى نقدر نلف على الدكاترة .. - تخيل الصدمه و وجع القلب تخيل نظرات الناس و التشفى ..انتهت الرسالة الأولى و كان رد الاستاذ عبد الوهاب مطاوع كالآتي : ابنتى العزيزة لقد أراد الله ان تمرى بتلك التجربة القاسية لحكمة يعلمها هو و لكن تأكدى ان الله لن يتركك حاشاه ان يختار لكى الطريق و يتركك فى منتصفه مر عام كامل إلى أن نشر الاستاذ رسالة جديدة لنفس البنت قالت فيها : أستاذي العزيز لقد كانت رسالتك لى اشارة ان ألجأ إلى الله فقط بعد شهر واحد من رسالتى السابقة قرر والدى ان نذهب لاداء العمرة جلست امام الكعبة ابكى و اقول حكمتك يا رب الصبر و الرضا يا الله و اذا بسيدة في عمر امى تقول اصبرى و لسوف يعطيك ربك فترضى و ترددها عشرات المرات . - انتهينا من اداء العمرة و اثناء العودة تبدل مقعد والدى بالطائرة جلس جانبى شخص ظل يتحدث معى دون سابق معرفة و عندما وصلنا للمطار كان في استقبالنا اختى و زوجها و اذا بالشخص الجالس بجانبى يستقبله زوج اختى بالاحضان و يقدمه لنا بأنه زميل دراسة لم يمر سوى ساعات قليلة حتى تلقى أبى مكالمة من زوج اختى يخبره بتحديد موعد لأن هذا الشاب يريد مقابلته .. قصة أشبه بالحلم تزوجنا في أقل من 3 شهور و دائما كنت اتذكر الجملة القاسية " كيف ستنجبين و أنتى بهذا السن ؟ " - و ها أنا أحدثك و قد رزقنى الله بالحسن و الحسين و كأن الله يريد أن يرزقنى خلفة العمر كله هكذا الكريم اذا أعطى أدهش .. كريم خزائنه لا تفنى . - انتهت القصة مش محتاجة شرح و لا تفسير افتكرها دايما لما تضيق عليك و تحس باليأس لما تحس انها قفلت شوفه كرم مين قبلك في عز كسره و تذكر دائما : - ان عوض الله اذا حل أنساك مر ما فقدت.