بعد انتقاد «مأمون وشركاه»| محمد إمام يدافع عن والده: «الزعيم رقم واحد في رمضان»
بعد الانتقادات الكثيرة التي وجهها بعض متابعى مسلسل "مأمون وشركاه"، دافع محمد عادل إمام عن والده بطل العمل عبر صفحته الرسمية في موقع التواصل الاجتماعي "فيسبوك".
وأوضح محمد أن "مأمون وشركاه" الأكثر مشاهدة بين كل الأعمال التليفزيونية المعروضة خلال شهر رمضان، وكتب: "علشان الكلام الكتير اللي مالوش لازمة، اتفقت أو اختلفت، وافقت أو ماوفقتش، الزعيم هو رقم ١ السنة دي على كل مسلسلات رمضان زي كل سنة ماشاء الله، و ده بالأرقام وبالإعلانات وباستطلاعات رأي الشارع المصري والعربي، وبنسب المشاهدة من شركات عالمية متخصصة في المجال ده وموثوق فيها وكمان من القنوات نفسها، مبروووك وربنا ما يقطعلك عادة".
وكانت انتقادات كثيرة وجهت للمسلسل خلال الفترة الأخيرة، بسبب بعض المغالطات في المعلومات الواردة بما يتعلق بالدين المسيحي، إلى جانب الإساءة للملتزمين بالدين الإسلامي.
وجاءت تعليقات المتابعين لهذا المنشور على "فيسبوك" لتشير إلى حرص الجمهور على مشاهدة مسلسلات أخرى، لكنه بادرهم قائلًا: "بسم الله ما شاء الله، تقريبا كل واحد شايف مسلسل مختلف هو نمرة واحد، أنا مش بتكلم على إيه اللي عاجبكم، أنا بتكلم على حقيقة كل الأبحاث أعلنتها وmbc مصر موجودة لو حد حابب يتأكد، طبعًا بتمني النجاح لكل زملائي اللي اجتهدوا السنة دي وعملوا شغل عالي، بس أنا بتكلم على أرقام موجودة فى القنوات مش جايب الكلام من عندي ! و على العموم ده بابا الزعيم برضه، وأول حاجه أنا قلتها اتفقت أو اختلفت".