ايجى ميديا

حكي المخرج عمرو سلامة قصة لقائه بالفنانة الكبيرة الراحلة فاتن حمامة، وكتب على صفحته على الفيس بوك قصة لقائه معها وقال: "قابلت الأسطورة فاتن حمامة من سنتين في بيتها، قعدت معاها ساعتين من احلى الساعات اللي قضيتهم في حياتي، سألتها عن قصة حياتها، حكتلي كثير، حكتلي عن حبها لبركات وكمال الشيخ، وقالتلي "انت بتفكرني بكمال" علشان تبقى احلى مجاملة سمعتها في حياتي، مش بس علشان بحبه، علشان طلعت منها هي".

وأضاف: "وعدتها اكتبلها حاجة، ووعدتني تفكر ترجع للسينما لو الموضوع عجبها، والدنيا خدتني بعدها في فيلمين ورا بعض وماكتبتش".

وتابع: "كنت بحبها بشكل مبالغ فيه طول عمري، وقلت لو كنت موجود في الخمسينيات والستينيات كنت ماعملتش فيلم الا لو هي فيه، ولما قابلتها حبي ليها بقى اضعاف الأضعاف".

واختتم كلماته "انا سعيد اني قابلتك ولو لمرة، وحزين وندمان لأسباب تانية كتير.. هاتوحشيني".