أصدقاء "صفاء" امس هم اعداؤها اليوم وأول من هاجمها نظرا لتعرضهم لصدمة نفسية وعصبية واكتشفوا بعدها أنهم ضحايا مسرحية هزلية.
منة جلال التي صاحبت جيهان قمري واميرة هاني نشرت رقم هاتف صفاء علي "فيس بوك"، وكتبت عبر حسابها "انا لما كلمت صفاء مغربى اكتر من 30 مرة مردتش عليه، وبعدين ردت اختها مفهمتش منها حاجة غير عياط وهيستريا، واتفقلت السكة، قعدت اتكلم كتير مردتش عليه، وبعدين لقيت رقم صفاء بيطلبنى رديت لقيت اختها قالتلى اختى ماتت، قلتلها طب انتو فين؟ قالتلى احنا خرجناها من المستشفى على بيت ماما، وانا فى حى الاشجار، وبعدين قلتها طب اهدى عشان افهم، قلتها طب نجليك فين، قالتلى احنا فى البيت، وبعدين كلمت احمد الهوارى الصحفى قولتله صفاء ماتت، قالى اه اختها طلبته، وقالتله صفاء ماتت.
واضافت منة: بجد حسبى الله ونعم الوكيل فى اللى حصلنا انهاردة، واللى بدا ياكدلنا الخبر انها ماتت كل الناس، وقفل تليفون الاستاذ يوسف شرف الدين، وتليفون صفاء، بدأنا نشك فرحنا على بيت مامت صفاء اللى فى شبرا، قال البواب ان مامتها عزّلت من خمس سنين، وبعدين عرفنا ان فى ناس راحت عند بيت مامتها ولاقيتها كويسة، وقالت: دانا تعبت شوية وسألوا عن صفاء مامتها ردت وقالت بنتى لو ماتت كنت عرفت وراحت جيهان قمرى لفت مستشفيات مصر مالقيتش حد باسم صفاء مغربى، فعرفنا ان فى لعبة. ادينى حكيت القصة كلها.. والحكم عندكو".
اما جيهان قمري فكتبت تعليقا علي نفي وفاة صفاء الذي نشره زوجها المخرج يوسف شرف الدين "حلو اوي الكلام ده بعد الانهيار الي كنا فيه ... شكرًا أستاذ يوسف شرف الدين شكرًا ليك وللعيلة الكريمة".
أما الفنانة نادية العراقية فهاجمتها بشدة وبعدها نشرت صورة شخصية لها بفستان باللون الاحمر وكتبت تعليقا ساخرا "احمر بقي.. قال انا كنت حطلع لبس اسود وروح العزاء.. يلا انا بس فرحانه لابنها مش حيتيتم حبيبي انما هيه ربنا يسامحها..".
