وقالت «رولا»، عبر صفحتها الشخصية على موقع التواصل الاجتماعى «فيس بوك»، اليوم الخميس: «لكل محبي الشحرورة صباح والفن اللبناني والعربي الأصيل، كلنا لازم نطالب بحداد رسمي من الدولة للسيدة صباح، عيب علينا ما نكرم عمالقتنا، سوريا أعلنت الحداد ليومين ونحنا لا، هالفنانة الشامخة متل ارزتنا اللي رفعت اسم لبنان بالعالم كلو أكتر من ستين سنة، ما بتستحق التكريم بيوم رحيلا؟ وإنو نعلن الحداد عليا؟! ليش كبارنا بدن يرحلوا ع السكت؟ رحيل العملاق وديع الصافي بصمت وجعنا، مش لازم نسمح اليوم ترحل صبوحتنا كمان بصمت».
وأضافت: «علوا الصوت وطالبوا بالحداد الرسمي، مش عيب إنو ما حدا تحرك؟ بعض الإذاعات والتليفزيونات ذاعت وعرضت أغاني الصبوحة ويمكن كل الجرايد كتبت عنا وكمان المجلات والمواقع الإلكترونية، بس هالشي ما بكفي، بدنا حداد رسمي، لكل محبي صباح ما تقبلو ترحل بصمت، كونوا صوت واحد وطالبوا بحداد رسمي بالبلد».
