ايجى ميديا

إلى التى ألقت بسحرها على فؤداى فصار حقلا لا ينبت غير هواها.. إلى التى جعلتنى أحمل حقائبى المثقلة من أنين الأحبار والأوراق وألف الأماكن أبحث عن ريحتها الذكية.. عساها ترق أو تلين..

الله عليكى..
الله عليكى .. وعلى الطعامة اللى ماشية بيكى
الله عليكى..
الله عليكى.. وع النور اللى واخد نوره من عنيكى
الله عليكى.. والعبير والنسايم سابقة ليكى
الله عليكى فى دلالك وحسنك..
الله عليكى فى صورتك ورسمك..
والله عليكى وانتى قمرى ودليلى..
الله عليكى يا حلوة الحلوين..
يا نبع الصفا والحنان واللين..
يا نايمه وصاحية..
يا شايلة حلم عمرى من سنين..
عايز أقولك.. عايز أقولك ياللى بتنفس وردك وفلك.. عايز اقولك:
إن الحب داب دوبه منك.
مصطفى خلاف