ايجى ميديا

نشر المؤلف الغنائي أمير طعيمة، كليب أغنيته الجديدة «زمن الرجولة» التي يسخر خلالها من الظواهر التي طرأت على ملابس الشباب وتقليعاتهم الغريبة.

«زمن الرجولة» من كلمات أمير طعيمة وهشام جمال، ألحان هشام جمال، توزيع مادي، مكساج خالد سند، مدير التصوير إسلام عبد السميع، فكرة وإخراج: هشام جمال.

تبص يمين شمال..تلاقي عيال..لا مؤاخذة طرية شوية
سيدي ع الجمال..انقلب الحال..وده سامي ولا سمية

ده كيوت قوي ولابس سكيني..أحمر ومحزق خضني
حاسب ليقولو بيتني..إيه نوعك بقي لخبطتني

زمن الرجولة فيه حاجة نادرة فين أيام الشنبات..فاهمين الرجولة كده بالعكس سيبك دي عيال خواجات

في إيده علبة سجاير ماشي بيها..علشان يتقال عليه راجل
ويشوف أخته وصحابها ماسك إيديها..وهو رافع الأرايل

يخسر صاحبه علشان بنت.. وف الخناقات يعمل م الهند
لو شاف واحدة بيقلب قرد.. ويمنع صاحبته تخرج عند

زمن الرجولة فيه حاجة نادرة فين أيام الشنبات.. فاهمين الرجولة كده بالعكس سيبك دي عيال خواجات