وقال "حلمي"، عبر صفحته الرسمية علي موقع "فيس بوك": "جالي ماسيج من صديق مكتوب فيها بص كده علي اللينك ده .. كلامك غريب جدا مفهمتش الماسيج بصراحه .. بس دوست علي اللينك ففتحت صفحه لجرنال عربي معروف .. لقيت صورتي وتحتها حوار طويل وسين وجيم .. المفروض ان ده حوار انا عملته مع صحفي في الجريده دي .. بس ازاي !! .. ده انا بقالي سنين معملتش اي حورات صحفيه .. الا اذا كنت بتكلم وانا نايم بقي .. ولما قريت الحوار فهمت الماسيج بتاعت صديقي الصحفي .. إن كلامي غريب .. ده مش بس غريب .. ده كمان مريب .. فرديت علي الماسيج بتاعت صديقي وقولتله " تصدق فعلا كلامي غريب جدا .. عارف ليه .. لان مش انا اللي قايله .. ده كلام مضروب".
وأضاف "حلمي": "أنا حبيت أقول أن أنا معملتش أي حوارات صحفية خالص .. وأي حوار أو كلام أو رأي منشور أنا ماليش دعوة بيه ولا يمثلني في شئ، وشكرا".
