و قال سلامة فى تدوينة له اليوم عبر صفحته بموقع التواصل الاجتماعى " فيس بوك" وبعد الانتهاء من اخراج فيلم روائي رابع وتسليمه لإيد القدر والجمهور.. حاولت اجرب اعد النعم لقيتهم كثير فحبيت اشكر المسببين ليهم..شكرا لكل الناس اللي شافت فيلم "صنع في مصر" وقالولي آراءهم وشكرا للي لسة مادخلوش وناوي يخشه ، شكرا لكل منتج او فنان او فني اشتغل معايا ووثق فيا".
وأضاف:"شكرا لكل حد علمني اذا كان يقصد او لأ ، شكرا لكل صحفي او اعلامي ساعدني في توصيل اعمالي للناس، ان كان مدح او حتى ذم..و شكرا للجمهور كله اللي اهتم يشوف اي عمل، عجبه او حتى معاجبوش، قال كلمة حلوة شجعت او قال كلمة نقد علمت ، شكرا لكل اللي كره لانه اهم سبب بيخليني احاول اطور من نفسي علشان اثبتله انه غلطان".
و اختتم كلامه:" الشكر لكل الناس اللي بتشجع، بتقف جمبك، بيشاركوا الفرحة او بيستحملوا الغضب، انتوا اللي بتخلوا الحياة احلى ، ده شكر واجب لان ساعات الواحد بينسى يشكر".
