وقال سلامة فى تدوينه له عبر صفحته الرسمية بموقع التواصل الاجتماعى " فيس بوك" "اتفرجت على الحرب العالمية الثالثة والفيل الأزرق، أعتقد هنقعد كثير نفتكر الموسم ده، موسم نزل فيه أفلام بتحاول تكون تجارب مختلفة، اتاخد فيها خطورة المخاطرة، صناعها تعبوا بجد علشان يطلعوها على أحسن وجه، الصناعة استعادت عافيتها بشكل ملحوظ، وقدمت أفلام احترمت فيها الجمهور واحترمت فيها نفسها".
وتابع سلامة قائلًا: "دلوقتي فعلا متقدم للجمهور سفرة كبيرة عليها أشكال وأصناف مختلفة كلها متعوب في طبخها ومطبوخة بنفس ومزاج، السينما بتتغير، وشكرا للجمهور لأنه هو كمان بيتغير".
و الجدير بالذكر أن المخرج عمرو سلامة يشارك فى افلام العيد بفيلم " صنع فى مصر" والذى تدور أحداثه حول شاب بلا هدف أو طموح، تقوم أخته الصغيرة بالدعاء عليه، فتصيبه بلعنة يحاول التخلص منها، ليمر برحلة تعلمه الكثير.
الفيلم من بطولة أحمد حلمي، ودلال عبد العزيز، ياسمين رئيس، وإدوارد، وهو من تأليف مصطفى حلمي، وإخراج عمرو سلامة.
