وقال مصطفى، فى تدوينة له عبر صفحته الرسمية بموقع التواصل الاجتماعى "فيس بوك": "مسلسل ابن حلال.. الابن بيكتف أبوه وبيضربه بالخرطوم.. مهما كان سلوك الأب ومهما كان اللي عمله هل يجوز التصريح بالمشهد ده؟؟؟؟؟؟ المشهد الثاني كان من حلقتين والأب اكتشف إن مراته سرقته فنزل بالفوطة لففها على نفسه لأنه خرج من الحمام فوجئ بالسرقة وأيضا يتعرض الابن لأبوه ويقول له لازم اعريك زي ما عرتني وكان مصمم ينزع عنه الفوطة ويسيبه عريان في الشارع لولا أهل الشارع منعوه وقالوا له ما يصحش".
وأضاف: "طيب إيه المفاهيم والقيم اللي بننقلها للنشء؟ إن أبوك لو ضربك اضربه.. لو ضايقك وعذبك مشيه عريان في الشارع.. أنا مش عارف مين المؤرفين القذرين الي بيكتبوا المشاهد دي؟؟؟؟؟".
واستطرد قائلا: "أنا باقولها وبصوت عالي يا وزير الثقافة ربنا هيحاسبك حساب عسير على هذه المهزلة.. عايز أعرف إنت دورك إيه في المهزلة ديه".
مسلسل "ابن حلال" بطولة محمد رمضان، وفاء عامر، هالة فاخر، محمود الجندي، ريهام سعيد، مريهان حسين، سارة سلامة، وأحمد سعيد عبد الغني، وتأليف حسان دهشان، إخراج إبراهيم فخر.
