نشبت مساء أمس الأربعاء، «خناقة» على الهواء بين الملحن عمرو مصطفى، وغادة عبد العال مؤلفة مسلسل «إمبراطورية مين»، الذي هاجمه الملحن من قبل.
وقالت مؤلفة المسلسل خلال مداخلة هاتفية ببرنامج «العاشرة مساء»، الذي يقدمه الإعلامي وائل الإبراشي على قناة «دريم»، موجها حديثها إلى الفنان عمرو مصطفى، ضيف الحلقة: «انت ليه محسسني إنك رافع لواء الوطنية لوحدك»، وهو ما أجاب عنه «مصطفى» قائلًا: «آه أنا كده فعلًا لأني مابعملش حاجة تضر بلدي».
وأضافت: «المسلسل لا يتعمد الإساءة لسمعة مصر ولا يؤثر اقتصاديًا زي ما بتقول، ثم ما هو المبرر اللي يخلينا نعمل كده، كل ده علشان بنسلط الضوء على سلبيات المجتمع».
وتابعت: «فيه طريقتين تعبر بيهم عن حبك للمكان اللي إنت عايش فيه، إما تحط بلاستر على الدمل، أو تفتحه بمشرط وتنضف، ويبدو إنك بتحب الطريقة الأولى».
واختتمت «عبدالعال»: «بوجهة نظرك دي بقى كنا نسكت وننام ونقول مافيش أي حاجة ومانسلطش الضوء على السلبيات، ونسيب بقى السياحة تبوظ فعلًا بـ«بوست» واحد أي سايح يكتبه على تويتر، المشكلة يا أستاذ عمرو إننا مش محتاجين نصدر للناس الحاجات الحلوة لكن محتاجين نحسن الوضع، يعني بقالنا سنين بنتكلم على التحرش لكن حادثة التحرير دي فكرتنا قد إيه المشكلة كبيرة».
شاهد الفيديو
