وقال عاطف عبر حسابه علي موقع فيس بوك: "فيه أصدقاء أعزاء بيقولولى ان القصه مقتبسه من مسلسل the mentalist والله يا بنى انا عمرى ما شفت مشهد واحد من المسلسل ده وانا متعود على كده على فكرة أى حاجه حلوه أعملها يقولك دى مقتبسه من حاجه فيه ناس ما عندهاش ادنى استعداد انهم يصدقوا ان فيه واحد مصري ممكن يعمل حاجه كويسه وما تبقاش مسروقه او مقتبسه أو أكيد فيها حاجه غلط بيتهيألى الحاجه الوحيده اللى عملتها وماقالوش مسروقه كانت بكار قالولى بس انت اكيد اخدها من السيره النبوية ".
وعن الاتهامات بإهدار المال في انتاج مسلسلات رمضان ، دافع عمرو سمير عاطف عن صناعة المسلسلات قائلا : "معلش يا جماعه انا اسف بس حوار المسلسلات متكلفه كام واحنا مش لاقيين حوار هابط قوي دي صناعه وفاتحه بيوت وخاضعه لحسابات المكسب والخساره وفلوس منتجين وقطاع خاص وفى الاخر لو قارنت بين اللى بيتصرف على المسلسلات واللى بنصرفه فى استيراد الاحذيه او الاطباق الصيني اوالعطور مثلا ها تلاقي اننا بنصرف عشرين ضعف على اى حاجه من دول شوفلك حاجه تانيه قر عليها الله لا يسيئك"
