هاجم الملحن والمطرب عمرو مصطفى الفنانة التونسية هند صبري، مشيرًا إلى أنها وصفت مصر بـ “بلد زبالة” خلال أحد حلقات مسلسلها الجديد “إمبراطورية مين”-وفقًا لما ذكره-.
وقال مصطفى عبر صفحته الشخصية على موقع فيس بوك: الأخت المناضلة التحريرية..هند صبري.. ارحمينا انفعالات.. ولمي نفسك لما بتتكلمي عن مصر.
وأشار مصطفى إلى أن هند صبري لم تعارض نظام بن علي أو الغنوشي في أي من أعمالها قائلًا : ماشفتلكيش مسلسل ولا فيلم معارض أيام بن علي…أو الغنوشي في بلدك اللي اتدهورت تماما عن زمان … روحي كافحي في بلدك يا أخت… آه نسيت ما إنتي لو عملتي كده في بلدك تموتي موتة شجره الدر.
وواصل عمرو مصطفى هجومه على الفنانة هند صبري: العيب مش عليكي.. علي اللي سمحلك تقولي على مصر زبالة في سياق الحلقة.. وعلينا اللي تخلينا نستورد واحد يعمل عبد الناصر.. واحده تانية تعمل فيها مصرية مناضلة.. و كأن مصر قطعت خلف.
