علق المخرج عمرو سلامة، على الاحداث الأخيرة التي طرأت على الساحة الفنية، ولعل أهمها الأنباء التي ترددت مؤخرًا، حول منع عرض مسلسل «أهل اسكندرية»، قائلًا: «في شخص ما قاعد في مكتبه الأنيق، فوقه صورة حسني مبارك، وأمامه بلاي ستيشن، بيلعب عليه جيم إسمها "إمسح ثورة"».
وأضاف «سلامة» عبر صفحته على موقع التواصل الاجتماعي «فيسبوك»: «بينشن فيها على ضرب أي حد كان ليه أي علاقة بالثورة المشؤومة أو بالدفاع عن أي حقوق أو حريات».
وتابع: «سعادة الباشا ماسك الجويستيك ومستمتع جدا، يدوس X يقتل واحد .. يدوس O يعتقل واحد .. يدوس △ يشوه واحد .. يدوس ☐ يضيق على واحد أو يقطع عيشه».
واستكمل المخرج الشاب: «وطبعا كلنا عارفين إن ده ليفيل ٢، لإنه في ليفيل ١، كان كسب الشعب بعد ما طلع وحش الفوضى ومسخ الإخوان ووقف الحال وشوية شباب بيزعق مش فاهم حاجة، فرباهم وبقى بيلعب بيهم كأدواته».
واستطرد «سلامة» قائلًا: «هنيئا يا سعادة الباشا، وأتمنالك جيم سعيد، وأحب أقول لكل واحد فاكر إنه ماسك الجويستيك وبيلعب معاه إنه بيتلعب بيه زينا وهو مش واخد باله».
واختتم: «إحنا بقى للأسف هانضطر نعمل اللي علينا ومابنعرفش نعمل غيره لحد ما نموت في اللعبة أو الباشا يزهق، أو النور يقطع، أو ييجي في النهاية ويخسر، لأن مافيش حلول ثانية».
