كتبت - نشوى علاء :
تساءل الدكتور معتز بالله عبد الفتاح، تعليقا علي انتشار ملصق "هل صليت على النبي اليوم؟"، قائلا: "هل التزمنا بأخلاق النبي اليوم، هل اتقنا عملنا اليوم، هل عزفنا عن الكذب اليوم، هل امتنعنا عن تلقي الرشاوى، أو أحسنا لمسكين اليوم؟"، مضيفا: "بناخذ من الأمر القشور، نجيد التعامل مع الشكليات".
وأضاف عبد الفتاح في برنامجه "باختصار"، أمس الخميس، على قناة "المحور": "أنا أحب الصلاة على الرسول كلما ذكر أمامي، ولكن إحنا ليه بنعاند بعض، اللي عايز يذكر الرسول يذكره، إنما مش يدخل الأمر في مشاحنات وقانون والداخلية تتدخل".
وأكد معتز عبد الفتاح أنه لا يعلم هل يؤيد الملصق أم يرفضه، وقال: "بأمانة ربنا مش عارف، بس ليه إحنا داخلين السكة دي، يعني بنتكلم في القضية دي ليه، التزموا بمنهج الرسول أكبر من الكلام في هذا الملصق, والعبارة دي".
وأوضح: "ما دام إحنا بنضيع وقتنا في المجهود ده، لازم الداخلية برده تساعدنا في قضايا تانية لا تقل أهمية، ومن يومين أصيب أحد سائقي السيارات من طوبة كانت موجودة في منتصف الطريق، فعلى الداخلية تنظيف الطرق والتحرك لخدمة المواطنين".
واختتم: "أنا مش فاهم ايه الخناقة بتاعت شعار هل صليت على النبي محمد اليوم؟، وبردة لازم الداخلية تهتم بالقضايا الأخرى".
