إيهاب كاسب
دعا البرلماني السابق مصطفي بكري جموع المواطنين إلي الذهاب إلي لجان الاقتراع مهما كان رأيهم والمشاركة في الانتخابات الرئاسية.
وقال بكري: "إذا المصريين مخرجوش محدش يتكلم بعد كده، أنا بقولها وبشكل واضح، محدش يتكلم لما الغرب يتأمر علينا، محدش يتكلم إذا المشير السيسي أتصاب بإحباط حال فوزه بالانتخابات إن شاء الله، محدش يتكلم إذا طلع الإخوان يعيدوا صفوفهم من جديد، محدش يتكلم لما انتخابات مجلس الشعب مش هتأدي بالطريقة دي إلي النتائج المرجوة وهيرجعلك الإخوان تاني ويمسكوا مجلس الشعب تاني وهيتواجدوا فيه ويبقي مفيش حاجة اسمها رئيس جمهورية وبعد كده يسحبوا منه الثقة".
وأضاف بكري من خلال حواره في برنامج'' الحياة الآن'' علي فضائية ''الحياة'' أمس الثلاثاء، انه ليس من حق أي مواطن مقاطع للانتخابات أن يلوم الحكومة، وأكد "بكري" علي أن نسبة الإقبال الضعيفة ستؤدي إلي عودة جماعة الإخوان المسلمين للمشهد مرة أخري.
