مخرج عبقري من يومي اخترعت وانا صغير نطة الكاميرا
كنت من وانا صغنن كده واد مفتح ومقرقش وماحدش يغلبني كان عندي رؤية اه اومال اهم حاجة الرؤية دي والرؤية عندي يعني تري - اه تري - من الرؤية اومال هي بتجي كده وكان عندي مزاج اقف في الحارة بتعتنا كده واصور ماتشات العيال وهي بتلعب بالكرة الجولة .
اه صحيح اقولكم علي الكرة الجولة دي كنت بطلع طلعة اتوبيس أنا والواد شوكه أنا إسمي حموكشة وهو شوكة متربين مع بعض في الحارة اومال ايه المهم نطلع علي الاتوبيس من دول نغز الكرسي غزة واحدة نجيب اجله وهي ضربة مفتاح ونخطف السنفج ونط من الاتوبيس حتة نطة وهي دي اولي معرفتي لفن النط اللي بستخدمه في الكاميرات دلوقتي يعني تنط من لقطة للقطة تانيه اه أومال هو حضرتك بتشوفني بثبت علي لقطة الكرة بتجري ياجودعان فلازم المخرج العبقري ينط وراها - المهم انا والواد شوكة ده كنا ناخد السفنيج ونروح نجيب خيط من اي مكان ونسقيه بقي زيت وكده ونلفه علي السفنج لحد ما يبقي كورة ودي بقي كرة الجولة - المهم كنت بقف انا والواد شوكة نصور الماتشات بادينا يعني اعمل ايدي كاميرا والواد شوكة ايدة كاميرا ونصور بقي وكان عندي مزاج اقول اكشن بنصور اصل انا كنت واد مقرقش اوي في حتة الاكشن دي وفي المدرسة لما كنا بنلاعب مدارس تانيه كنت برضوا انا مخرج المباراة اومال اسيب حد يصور الماتش اللي انا وكان عندي مدرس بيحبني اوي اوي يقولي انت يواد ياحموكشة هتبقي مخرج ماتشات عبقري انا عندك الموهبة دي من وانت صغير اهو خاصة في لقطة النط ياواد ياحموكشة انا متابعك وانت ماسك الكاميرا وبتنط من حتة لحتة مش مهم بقي تجيب لاعيبة ماشية اوحتي الجون يضيع منك اهم حاجة النطة الحتة الزلمكة اللي بتعملها دي اول مرة اشوف عبقري كده بعدها جيبت كاميرا صغننه كده قولت اتعلم بقي التصوير علشان اظبط الصورة وتبقي الحطة النطة دي مدرستي في الاخراج لما اكبر واكلمكم بعدين بقي يومياتي في اخراج الماتشات .
