مقالات > أحمد الجمال .. يكتب : مصر .. عيون الفؤاد

كتب اشرف سلام
24 فبراير 2018 3:23 م
-

أحمد الجمال .. يكتب : مصر .. عيون الفؤاد

كلمات / أحمد الجمال

‎بنحبك .. بنحبك مهما تعملى فينا .. شمسك لو غايبة تدفينا .. ما احنا مالناش بعديكى ‎يادنيتنا ياغاليه علينا .. ازاى تبقى علينا هاينة .. حاسين دموع عنيكى .. اتظلمنا بس مش منك .. و انتى بس ايه ذنبك؟ .. ظلمنا لينا كان بادينا .. بنهد بكره و نبكى عليه .. ابنك لو جه يوم سابك .. و ما هموش لومك و عتابك .. و اهداكى للى حياته عذابك .. هتلاقى غيره بيموتوا فيكى .. ما احنا مالناش بعديكى .. قمرك منور ليالينا .. حبك روحنا و ضى عنينا .. عمرك ما تهونى و لوهونا عليكى .. بنحبك مهما تعملى فينا .. ما انتى ما كنتيش كده قبلينا .. مهما نبعد نرجع ليكى .. الله يجازى اللى يبكيكى .. حبيبتى انسى اللى ناسيكى .. جرحه ليكى فاق الحد .. انتى عايزة اللى يعليكى .. و اللى يحبك حب بجد .. لوفوتناكى مين يراعيكى .. و انتى عيون الكل عليكى .. واحدة واحدة نعيد المجد .. بنحبك مهما تعملى فينا .. ما انتى يا عالية غالية علينا .. لو سبناكى مين يحمينا .. دا احنا ضياعنا من بعديكى .. لو حضنك نار نترمى فيه .. لو أرضك شوك نمشى عليه .. و لا عمر حد يفرح فيكى .. لو بدلوا نارك جنة ما يعوضناش بيكى .. ازاى فيها هنتهنا ما احنا مالناش بعديكى .. بيحاولوا يجذبونا بيحاولوا يشترونا .. هنرفض أى حاجة جاية من أعاديكى .. ما احنا مالناش بعديكى و هنكون شموع حواليكى .. نموت و ننور .. ظلام لياليكى و تحيا مصر .. تحيا مصر .. تحيا مصر

 


اصدقاؤك يفضلون