شيرين وجدي تكتب -جرى ايه يا شعب بتشتمونى ليه ؟؟
جرى ايه يا شعب بتشتمونى ليه ؟؟
___
سؤال ملح -عاوذه له -اجابة (انتوا بتشتمونى ليه )؟؟؟
طبعا كل واحد دلوقتى بيفكر فى سؤالى وبيقول لنفسة الست دى مريضة وبيتهيألها انها ذو حيثية لدرجة ان الشعب بيشتمها !!!
ومعاكوا حق .. بس الغريب اما اكون من عامة الشعب ولست ذو حيثية وبتشتم من كل الطوائف وهديكوا مثال :-
لو قلت مثلا انى مش مبسوطة وان اللي بيحصل دة ما يرضيش ربنا ..
قبل ما اكمل كلامى هلاقى هجوم غريب رغم انى لسه ما قولتش انا بشتكى من ايه !!
هلاقى مثلا جوزى بيقولى احمدى ربنا انت عايشة احسن من غيرك بكتير ده فى ستات تتمنى ربع اللى انت فيه !!
ولو اتلفت هلاقى جارتى بتقولى بلاش بتر دة انت شقتك هادية وعيالك كبروا امال هدة الحيل اللى انا فيها مع اللى بيعيط واللى بيسخن واللى بيذاكر اسمها ايه؟!!!
وهلاقى سواق الميكروباص يقولى بصوت اجش ما تحمدوا ربنا بقى اننا بنلمكوا من الشوارع بدل ما كان بيجي عليكوا اوقات تقفوا بالطوابير ولو لاقيتوا معزة جربانة كنتوا هتركبوها !! علما بانى كل يوم بركب معاه وافضل اتشاهد وادعى ربنا انه يمتنى على الاسلام وادفن حته واحدة مش طرنشات من سواقته الغشيمة ويا سلام لو قابلة بتاع مرور وما صبحش عليه يروح رزعه مخالفة يفضل يجرى بينا وهو بيقول بصوت عالى انى لميت وانكم لميتون .
وهلاقى الاخوان بيشتمونى عشان ايام ابو كرش ودقن الاهطل ابن سنية كان بيوعدنا بالجنة وعشان انا وامثالى انتخبنا السيسي فربنا نزل غضبة علينا وخرجنا من الجنة للجحيم .
وهلاقى الكلاجية والشمامين المخنسين المدعين للوطنية هيقولولى عشان انتوا عبيد والعبيد طول ما بيتحطلها الاكل والشرب مهما اخدت على ضهرها من سياط ما بيحسوش !! بتشكى ليه ما تشتكيش ..
وهلاقى باشا ملو هدومه قاعد بينظر ويقولى ارفعى راسك ما تيأسيش القطار قام والماضى ورا والجاى حلو ماهيتنسيش ؟؟ ولسة هسأل طب فين شاورلى يا عالى المقام ..قاطعنى فجأة بأندهاش !! وكمان بتسأل ؟؟ ولاحقنى بالشتيمة والسباب ..ادب سيس خرسيس .. خلاص سيادتك اشكرك مات الكلام .
قام باشا تانى كان مصاحب نفس الباشا الاولانى !!! سألنى مالك ؟
ولسة هنطق لاقيتوا زام وهاص وقالى لا ما خلاص هو انت فاكرة ان الكلام بيجيب حقوق ؟ انت لازم تاخدى موقف انت لازم تزعقى باعلى صوت ..
دى ديموقراطية ..
قلت صح اصرخ واقول بأعلى صوت .. ولسة هنطق لاقيته واقف من هناك بعيد وبيشاورعليه شوفتوا الخيانة !! شوفتوا العميل !! ادى نهاية اللى يفتح الباب للرعاع الجهلة المدعين .
ومشيت اخبط كف على كف يا فتاح يا عليم ؟ياربى طيب بس اشتكيكوا لمين ؟؟
هو انا قلت لحد اكمل النقط فكل واحد افترض انى هشتكى لاسمح الله من غلاء او من فقر او من وقف حال ولا كنت هقول زى غيرى ليه بنوا مساجد وكنايس بملايين ؟؟ ولا كنت هعلق على قطار كهرباء ولا مطار ولا متحف ولا هسأل عن الست اللى كنت بتنطط ابنها من البلكونة بدم بارد يمكن يموت وترتاح ولا هسأل فين الرخاء والازدهار قبل ما يوصل سنى للخمسين ؟؟
ده انا كان كل ما اتمناه انى اكمل الجملة اللى هي ببساطة جملة عادية جدا
كنت هقول مثلا
(( انا مش مبسوطة واللى بيحصل ده ما يرضيش ربنا ..... كل ما اعمل رجيم يبوظ ومافيش فلوس اجيب هدوم ))
انتوا بقى بتشتمونى ليه ؟؟؟
___
سؤال ملح -عاوذه له -اجابة (انتوا بتشتمونى ليه )؟؟؟
طبعا كل واحد دلوقتى بيفكر فى سؤالى وبيقول لنفسة الست دى مريضة وبيتهيألها انها ذو حيثية لدرجة ان الشعب بيشتمها !!!
ومعاكوا حق .. بس الغريب اما اكون من عامة الشعب ولست ذو حيثية وبتشتم من كل الطوائف وهديكوا مثال :-
لو قلت مثلا انى مش مبسوطة وان اللي بيحصل دة ما يرضيش ربنا ..
قبل ما اكمل كلامى هلاقى هجوم غريب رغم انى لسه ما قولتش انا بشتكى من ايه !!
هلاقى مثلا جوزى بيقولى احمدى ربنا انت عايشة احسن من غيرك بكتير ده فى ستات تتمنى ربع اللى انت فيه !!
ولو اتلفت هلاقى جارتى بتقولى بلاش بتر دة انت شقتك هادية وعيالك كبروا امال هدة الحيل اللى انا فيها مع اللى بيعيط واللى بيسخن واللى بيذاكر اسمها ايه؟!!!
وهلاقى سواق الميكروباص يقولى بصوت اجش ما تحمدوا ربنا بقى اننا بنلمكوا من الشوارع بدل ما كان بيجي عليكوا اوقات تقفوا بالطوابير ولو لاقيتوا معزة جربانة كنتوا هتركبوها !! علما بانى كل يوم بركب معاه وافضل اتشاهد وادعى ربنا انه يمتنى على الاسلام وادفن حته واحدة مش طرنشات من سواقته الغشيمة ويا سلام لو قابلة بتاع مرور وما صبحش عليه يروح رزعه مخالفة يفضل يجرى بينا وهو بيقول بصوت عالى انى لميت وانكم لميتون .
وهلاقى الاخوان بيشتمونى عشان ايام ابو كرش ودقن الاهطل ابن سنية كان بيوعدنا بالجنة وعشان انا وامثالى انتخبنا السيسي فربنا نزل غضبة علينا وخرجنا من الجنة للجحيم .
وهلاقى الكلاجية والشمامين المخنسين المدعين للوطنية هيقولولى عشان انتوا عبيد والعبيد طول ما بيتحطلها الاكل والشرب مهما اخدت على ضهرها من سياط ما بيحسوش !! بتشكى ليه ما تشتكيش ..
وهلاقى باشا ملو هدومه قاعد بينظر ويقولى ارفعى راسك ما تيأسيش القطار قام والماضى ورا والجاى حلو ماهيتنسيش ؟؟ ولسة هسأل طب فين شاورلى يا عالى المقام ..قاطعنى فجأة بأندهاش !! وكمان بتسأل ؟؟ ولاحقنى بالشتيمة والسباب ..ادب سيس خرسيس .. خلاص سيادتك اشكرك مات الكلام .
قام باشا تانى كان مصاحب نفس الباشا الاولانى !!! سألنى مالك ؟
ولسة هنطق لاقيتوا زام وهاص وقالى لا ما خلاص هو انت فاكرة ان الكلام بيجيب حقوق ؟ انت لازم تاخدى موقف انت لازم تزعقى باعلى صوت ..
دى ديموقراطية ..
قلت صح اصرخ واقول بأعلى صوت .. ولسة هنطق لاقيته واقف من هناك بعيد وبيشاورعليه شوفتوا الخيانة !! شوفتوا العميل !! ادى نهاية اللى يفتح الباب للرعاع الجهلة المدعين .
ومشيت اخبط كف على كف يا فتاح يا عليم ؟ياربى طيب بس اشتكيكوا لمين ؟؟
هو انا قلت لحد اكمل النقط فكل واحد افترض انى هشتكى لاسمح الله من غلاء او من فقر او من وقف حال ولا كنت هقول زى غيرى ليه بنوا مساجد وكنايس بملايين ؟؟ ولا كنت هعلق على قطار كهرباء ولا مطار ولا متحف ولا هسأل عن الست اللى كنت بتنطط ابنها من البلكونة بدم بارد يمكن يموت وترتاح ولا هسأل فين الرخاء والازدهار قبل ما يوصل سنى للخمسين ؟؟
ده انا كان كل ما اتمناه انى اكمل الجملة اللى هي ببساطة جملة عادية جدا
كنت هقول مثلا
(( انا مش مبسوطة واللى بيحصل ده ما يرضيش ربنا ..... كل ما اعمل رجيم يبوظ ومافيش فلوس اجيب هدوم ))
انتوا بقى بتشتمونى ليه ؟؟؟