مناخيري كانت هتتكسر.. دياب يكشف كواليس إصابته في مسلسل هي كيميا
مناخيري كانت هتتكسر.. دياب يكشف كواليس إصابته في مسلسل هي كيميا فن دياب الجمعة 03/أبريل/2026 - 08:31 ص أضف للمفضلة شارك شارك x facebook twitter rss feedكشف الفنان دياب كواليس مشاهده مع الفنان مصطفى غريب في مسلسل هي كيميا، الذي عرض في السباق الرمضاني 2026، موضحًا أنه تعرض للعديد من الإصابات.
وقال دياب في لقائه في برنامج يحدث في مصر: مفيش مشهد ليا أكشن مع مصطفى غريب، ولكن في مشهد وإحنا بنفرغ الكاميرات مصطفى خبطني في مناخيري ودوخت مرة واحدة واتلموا عليا، مناخيري كانت هتتكسر بجد، ومرة تانية صباعي ورم.
دياب: مصطفى غريب كان قلقان.. وببقى مبسوط وأنا واقف قدامهأما عن تفاصيل تعاونه مع مصطفى غريب، فعلق دياب قائلا: مصطفى غريب، المسؤولية عنده بقت الضعف لأنه حاجز مكان كبير في قلوب الناس، وأنا كنت حاسس بيه جدًا وهو قلقان هل هيضحك الناس، ولكني كنت بطمنه يوم ما عملنا أكشن قولتله إحنا هنبقى رقم واحد، اليوم ده حسيت بطمأنينة جيالي من عند ربنا، صحيح إني اتخضيت شوية قبل رمضان لما توقعات الناس عليت ده رعبنا أكتر، مصطفى من أهم المواهب والممثلين اللي وقفت قدامهم في حياتي المهنية، أكتر حد فاجئني في هي كيميا كان مصطفى، آه بيصنع ضحك لأنه كوميديان عظيم، ولكن في المشاهد اللي فيها دراما أنا ببص في عينه وأنا متسلطن جدًا ده ممثل عينيه مليانة مشاعر وطاقة، موهبته عظيمة وأنا مبسوط وأنا واقف قدامه.
دياب: مصطفى غريب من أهم الممثلين اللي وقفت قدامهم في حياتي.. والغناء دلع بالنسبة للتمثيل مصطفى غريب: حظي حلو مع آل دياب.. وياريت كل الشغل يبقى مع هشام ماجد القاهرة 24 عبر Google News facebook twitter whats