عجبت لك يازمن التليفزيون المصري العظيم الشريف العفيف الطاهر المكتشف لكل الوان الفنون بقي كده وصل لكده بيعمل كده خلاص ؟ اي فكرة بيقدمها اي حد - مع احترامي لكل الاسماء اللي قدمت فكرة المسرح - خلاص نقبلها ونقول مش هندفع مش هنكلف اصلنا هنألف ونغني علي روحنا ؟
الموضوع انك مش هتدفع و مش هتتكلف لا ياسيدي الفضال هتدفع وتتكلف ففتح القاعات للتدريب تكلفة وفتح مخازن الديكورات والملابس في قطاع الانتاج تكلفة وفلوس وايضا التصوير تكلفة وفلوس ياسيدي رئيس الاتحاد علي راي معلق الجزائر - سيدي الحكم - وما هو المعني والمغزي من ايجاد فرقة ماسبيرو المسريحة وانتاج مسرحيات من تاليف وتمثيل واخراج العاملين في ماسبيرو ؟
ايه خلي الاولاد تلعب وتتشغل خليهم يتسلوا مع بعضيهم داخل المبني لست افهم هل المشروع ان فرقة ماسبيرو المسرحية تكتشف مواهب مثلا او تقدم نجوما او حتي تعيد امجاد المسرح العربي او انها مجرد تمثيل واخراج وادوات ومسرح في المبني يحضر العاملين في ماسبيرو العروض المسرحية كل يوم خميس من باب الترفيه علي تخصم ثمن التداكر منهم في نهاية الشهر ؟؟
فرقة ماسبيرو للفنون المسرحية كما كتب زملينا خالد ابراهيم في اليوم السابع ستفتح باب التطوع من انجوم الكبار للنضمام للفرقة كضييف شرف يعني علي الاقل وهومقبول ممكن ربنا يخلي واحد من نجوم المسرح الكبار - يحنن قلبة عليهم ويحضر معاهم - اما حكاية فتح باب الاكتشاف دي للمواهب مش - مستريحلها بصراحة - الموضوع كده داخل بقي في اكتشاف مواهب مسرحية وبنات واولاد طالعين نازلين واختبارات وحكايات اخري مش مفهومه خاصة كلمة - تليق بالتليفزيون المصري - عجباني قوي علي التاكيد علي مفهوم اللياقة لشاشة التليفزبيون المصري ماشي تمشي نعديها ؟؟
لكن حكاية الاكتشاف ارجو من عصام الامير رئيس الاتحاد والموافق علي الاقتراح انه يضعها تحت الرقابة مع احترامي وتقديري للجميع لاسمح الله لكن الحكاية - هتبهوق منكم - يعني مش هتبقي تمثيل للمواهب االشابة من داخل المبني انما ايضا من طلبة الجامعات مثلا وتصاريح دخول وتصاريح خروج وكده يعني مش محتاجه وانتم فاهمين ؟
اما حكاية انكم هتنفسوا جميع الفرق المسرحية التي تعرض اعمالها علي الفضائيات الخاصة فمن الواضح ان من قدم الاقتراح لم يدرس الموضوع جيدا لايوجد الا فرقتين في مصر تعرض علي الفضائيات واحده تياترو مصر علي قناة الحياة واخري اسمها مسرح مصر علي قناة ام بي سي مصر وكللهما مشروع تجاري ناجح جدا سواء علي مستوي التسويق الاعلاني او المسرح نفسه المقدم عليه المسرحية وسواء اختلافنا علي طبيعة المحتوي المقدم ام لا انه ارتجالي وليس لديه رؤية وليس هناك نصا وان كل ممثل - بيستظرف - لكن المحتوي التجاري ناجح لا شك ثم ان التجربتين ليستا ناجحتين علي المستوي المطلق انما تعانيان من وجود برامج تستخدم المسرح ايضا وتزاحم بشكل واضح الفرق المسرحية المباشرة وتحصل منهم علي مشاهدين وايضا اعلانات فالمتابع سيجد مسرح محمد صبحي في مافيش مشكلة خالص ومسرح ابله فاهيتا ومسرح نجوي ابراهيم وغيره وغيرة فمن ستنافس حضراتكم بمسرحياتكم لانعرف وبالطبع لم نطلع علي المقترح انما نعتمد علي مصداقية خالد ابراهيم وهو صحفي نشيط جدا ولديه مصداقية .
علي رئيس الاتحاد ان يعيد التفكير في المشروع بشكل اخر وان يعيد مسرح التليفزيون الي عهده البراق ولا مانع ان يشرف عليه ابناء ماسبيرو من مخرجين ومؤلفين وممثلين ولا مانع ان تستعين بالكبار من نجوم المسرح المصري لكن عليك ان تكسب ايضا وان تكون موجودا مزاحما بمسرحياتك العظيمة القائمة علي هدف المسرح المحترم الرائع الجذاب للمشاهدين وهم الاساس في المسرح التفاعليه مع الممثل التفاعليه المباشرة ؛لكن ان نجلس مع بعضينا نمثل مع بعضينا - ده اسمه اهدار مال عام - واحسبها حضرتك فاتورة الكهرباء بكام وعربيات التصوير بكام ولا حضرتك هتقولي ده دور ماسبيرو الثقافي اقولك لا مش ده دور انت علي دوره الثقافي وابقي قولي لكن علشان الناس تتسلي ده اسمه تهريج والله
