سؤال مهم وخطير جدا جدا ؟حضرتك مش شايف يعني ان التليفزيون المصري المبدع المصدر للافكار وللكفاءات اصبح يستورد - البضاعة - يعني كده - وش- اصبح بينحت البرامج ؟ اه قول ماتتحرجش ؟وكمان هيدفع فيها فلوس علشان يرضي ده ولا ده ولا دوكهما ؟؟ هل بالفعل يرضي الرئيس السيسي - معلهش ياريس - عن ان التليفزيون المصري الوطني - يشتغل نحيت - معلهش ياريس يعني انا عارفة ان كل الناس دي اصحاب حضرتك وقعدوا مع حضرتك وحضرتك بتاخدهم معاك السفريات - معلهش ياكبير - استحملنا احنا شعبك وقدرك وبنحبك وخايفين عليك - المهم - ايه نحيت يعني ايه ؟؟ اقول لحضرتك ؟؟
التليفزيون المصري لم يجد ليدخل به عام 2016 تحت شعار اعلام جديد في خدمة الرئيس ولكي يقدم نفسة في صورة انه يرغب في التظوير وانه يستحق ال250 مليون جنيها المرتبات والدي منه يعني قرر ان ينحت القنوات الفضائية الخاصة ياخد منها مقدميها وبرامجها وكمان يدفع فلوس في النحت ده؟
يعني ببساطة التليفزيون المصري العريق قرر فجاة ان يتخلي عن دورة الوطني في البحث المستمر عن افكار جديده عن اسماء جديدة ان - يدعبس - في قنواته وفي طرقاته وفي خزائنه عن مقدمي برامج جدد او افكار جديده تقوم وكالته - مثلا - صوت القاهرة بالعمل عليها وتقديمها ؟ فدهب باسم الجديد ينتحت برنامج الدكتور مدحت العدل - انت حر - الدي قضي سنوات علي قنوات سي بي سي تو قبل ان تغلق يقدم فقط ثلاثة حلقات في الاسبوع ورغم السنوات ورغم ابداع شخصية مثل المبدع مدحت العدل الدي اري اتن يتفرغ ليكون السيف الناعم في الاغاني والافلام فهخدمة الوطن عند مدحا العدل ليس في تقديم البرامج بل من صنع اغاني وطنيه قادرة علي تغير الوعي واعادة الناس الي حبها للوطن فاغنية واحدة بقلم مدحت العدل افضل واروع مليون مرة من ملاين الحلقات التليفزيوةنيه ففيلم واحد يكتبة مدحت العدل افضل واروع لمصر من مليون برنامج تليفزيوني لكن المهم ان الفارق بين الدكتور مدحت العدل في سي بي سي تو والتليفزيون المصري ان الثاني - اي التليفزيون هيقدمة بصورة يوميه وايضا بصورة الهايد فنيشن - ستقول لي واين الفلوس التي سيدفعها التليفزيون ادا كان الدكتور مدحت قال ان الانتاج شركة خاصة وستهديه الي التليفزيون او بنظام الانتاج المشترك ؟ ارد علي حضرتاك واقول - اولا البرنامج تم عرضه قبل دلك وكل قضايه قديمة يعني بضاعة تم عرضها قبل دلك حتي لو الدكتور مدحت العدل قدم افكرا جديدا فاسم البرنامج قديم خلاص اتعلم عليه ؟ ثانيا - ان التليفزيون سيخصص من وقته ساعتين يوميا لعرض برنامج قديم الاسم وهو ما سيكلفة اموالا في ارسال وبث البرنامج ؟
ثالثا - البرنامج سيتم تصويره في ستديوهات التليفزيون سواء في المقطم او في ماسبيرو او في اي مكان وهو ما يعد تكلفة في الاضاءة وغيرها من الخدمات الهندسية وكلها فلوس صح ؟
ثالثا - ليه اخد برنامج قديم واسم قديم وانتحت برنامج عرضته سي بي سي قبل دلك ومعروض علي اليوتيوب حتي الان باسم سي بي سي
بدون اي اعتراض علي اسنم كبير وعظيم مثل مدحت العدل اطلب منه فكرة جديده وما تنحتش القديم صح انت تليفزيون مصر العظيم برضوا مش كده ولا ايه ؟
وتعالوا بقي للكبير - التوك شو - اه اومال ايه سيبكم من -عكة -الاستديو اللي في المقطم والخناقة عليه وسيبكم ايضا من كل حاجة في تفاصيل العمل الكبير انما التليفزيون المصري كيف قبل علي نفسة وهو من اظهر قدرات خيري رمضان فخيري نجم التليفزيون المصري وصنع شهرته واسمه وفكره في برنامج البيت بيتك ومصر النهارده وقد اعتدر خيري حتي الان لكن بقول بس علشان اعرفكم ان التليفزيون قدم كل الاسماء التي هي نجوم التوك شو والفضائيات الخاصة
ايضا لميس الحديدي التي كانت تقدم برنامج تباعا لقطاع الاخبار ثم قام التليفزيون المصري بانتاج اكبر برنامج توك شو - من قلب مصر- علي نايل لايف لتصبح لمييس الحديدي الان وهي لاتنكر كل ده ؟
اسامة كمال الدي ترك التليفزيون من برنامج هنا العاصمة علي الفضائية المصرية الي قنوات اخري حتي اصبح نجما خاصا علي القاهرة والناس واصبح واحد من اهم رجال الاعلام وغيره وغيره كتير - ثم يعود التليفزيون المصري وينحتهم بشكل جديد تحت اسم فقط سواء بقي البيت الكبير او البيت الصغنون لكن هل تستطيع ان تقول لي ماهو الجديد في طريقة الاداء او في طرح الموضوعات ثم ان اسامة مثلا قدم برنامجا مشتركا علي التليفزيون والقاهرة والناس هل بالفعل قدم جديدا ؟ فكر في الطرح كده بهدوء بين تليفزيون يكتشف لميس - لبني عسل - يوسف الحسيني - تامر امين - خيري رمضان - انجي انور -مريم امين - وغيرهم ؟ وبين تليفزيون بينتحتهم ويتكلف ملاين الجنيهات من اجل النحت وارضاء تلك او دلك او هدا او تلكهومها
تليفزيون مصر بينتحت برامج عجبت لك يازمن وسنحكي كثيرا في النحت ؟
