ايجى ميديا

روبي مغنية وممثلة مصرية، اسمها الحقيقي رانيا ماجد محمد توفيق،اتولدت في المنيرة. درست القانون في جامعة بني سويف. وكانت بتقدم برامج فنية في قناة دريم والمحور المصرية. اول ظهور ليها كان من خلال دور ليها في فيلم "فيلم ثقافي" سنة 2000 وكان دور صغير جدا ظهرت في شوية مشاهد وظهر اسمها في التترات رانيا حسين.

روبي أثارت الجدل من ساعة ظهور أول كليب ليها "إنت عارف ليه" (2003) اللي اتصور في براج. عملت أول أدوارها في فيلم فيلم ثقافي وبعدها اشتغلت في فيلم سكوت حنصور من إخراج الراحل يوسف شاهين في (2001) اللي اختارلها اسم الشهرة روبي، وعملت فيه دور بولا ابنة لطيفة في الفيلم. المخرج شريف صبري هو اللي كان بيرعاها فنيا من ساعة ما قدمها في أولى كليباتها "إنت عارف ليه"، وكمان اخرج وانتج أول بطولة سينمائية ليها وهو فيلم بعنوان "سبع ورقات كوتشينة" لحد ما انتهى العقد بينها وبين شركة شريف صبري للإنتاج في 2007. منتجها ومنظم حفلاتها الجديد هو رجل الأعمال وليد مصطفى اللي اشترى حق التصرف فيها فنيا من مكتشفها شريف صبري بعد ما انتهى عقده معاها.