سعيد الشحات يكتب : من شاب أسيوطى للرئيس
استقل الرئيس محمد مرسى مروحية من مطار أسيوط الدولى أمس الأول، الجمعة، لتنقله إلى استاد جامعة أسيوط الذى لا يبعد عن المطار أكثر من 20 كيلومترا. رحلة الـ20 كيلومترا بالطائرة ربما تكون حرمته بعض الشىء من مشاهدة مظاهر تزيّن المدينة لاستقباله.
فى طقوس هذه الزيارات ترى النفاق على أصوله، بتنظيف الشوارع وزراعة الأشجار، فتعطى المدن مظهراً كاذباً عن مصر وحقيقتها، ويضبط المسؤولون أنفسهم على ما يرضى الرئيس وليس غيره. فى عام 2006 كان الرئيس السابق مبارك فى زيارة إلى محافظة الشرقية، وعلى الهواء مباشرة سأل مبارك المحافظ المستشار يحيى عبدالمجيد: «إنت بلدك إيه؟» فرد المحافظ: «اللى تؤمر بيه يا ريس»، العلاقة بين محافظ أسيوط يحيى طه كشك والرئيس مرسى، هى نفس العلاقة التى ربطت بين محافظ الشرقية الأسبق ومبارك، حتى لو لم تحدث فيها جملة: «اللى تؤمر بيه يا ريس»، وما حدث فى أسيوط يستدعى ذكريات الماضى، وأستشهد فى ذلك بما كتبه الشاب الأسيوطى «أيمن صادق زيدان - 21 عاماً» على الـ«فيس بوك».
قال أيمن: «عرفت إنك هتزور محافظة أسيوط يوم الجمعة، والصراحة أنا معرفتش من الجرايد أو القنوات التليفزيونية، أنا عرفت لما مشيت فى الشوارع ولقيتها لأول مرة منورة والصرف الصحى شغال، وكأنى عايش فى باريس، وعشان أكون صريح معاك يا ريس دى مش أول مرة أشوف فيها أسيوط كده، دى المرة التانية، عارف حضرتك المرة الأولى لما المخلوع مبارك قرر إنه يزور المحافظة، نفس النظام بنفس النور، والعمال اللى شغالين من صباحية ربنا، عشان يغيروا أسيوط للأحسن لمدة يومين بس لحد ما حضرتك تمشى».
يضيف زيدان: «حبيت أقولك إن كل حاجة هتشوفها لما تيجى كذب، دى مش أسيوط ولا الناس اللى هيحضروا خطابك دول أهل أسيوط كلهم، يا ريتك يا ريس تمشى اتنين كيلو بعيد عن المنطقة اللى هتبقى فيها، وانت تشوف بنفسك أسيوط الحقيقية، الناس عندنا بتخزن المياه من دلوقتى عشان احتمال تقطع، أكيد حضرتك مش عارف لأن أصلك بتشرب مياه معدنية.. ياريس الأمن اللى هتشوفه يوم زيارتك عمره ما كان موجود قبل ما تيجى ولا هيبقى موجود بعد ما تمشى، والأرض اللى هتمشى عليها عمرها ماكانت بالنضافة دى.. ويارب أسيوط المزيفة تعجبك».