علاء أبو القاسم يعلن اعتزاله بعد ريو دي جانيرو
قال علاء الدين أبو القاسم لاعب المنتخب الوطني لسلاح الشيش، إنه قرر اعتزال اللعبة بشكل رسمي عقب نهاية دورة الألعاب الأولمبية بالبرازيل بعد الهجوم عليه.
وخسر أبو القاسم في دورة ريو دي جانيرو في منافسات سلاح الشيش وخرج مبكرا من بطولة الفردي في دور الستة عشر لتفقد مصر فرصة كبيرة للتتويج بميدالية أولمبية على غرار ما فعله البطل في أولمبياد لندن 2012 عندما حصل على الميدالية الفضية.
أوضح أبو القاسم عبر حسابه على موقع التواصل الاجتماعي “فيس بوك” أنه غاضب بشدة من الهجوم عليه وستكون مشاركته في بطولة الفرق الأخيرة له قبل الاعتزال الرسمي، مُضيفًا: “يعني أنا مش بلعب كورة ولا محترف ولا ليا عقد مع نادي، انا بلعب رياضة على باب الله، سايب كل حاجة وجاي على نفسي، رموني يمين وشمال عشان موضوع العلم ودلوقتي كل واحد قاعد بيشيش يشتمني”.
تابع: “انت ما تعرفش حالتي ولا حالة عائلتي بعد الزفت البطولة، ٤ سنين ساكت مبتكلمش، بجد شايف السفر والغربة والإصابات والتمرين والخسارة متعة!!؟، على الأقل الناس اللي لِسَّه هتلعب سيبوهم في حالهم، اللاعبين دول بيمثلوكم غصب عنكم، نجاحهم نجاحك كمصري، أما بقى فرحك في فشلهم ده يخليك (الشتيمة اللي انت شتمتهالي)، ان شاء الله بطولة الفرق هتكون أخر بطولة ليا، بالتوفيق لكل لِسَّه ملعبوش، في ناس محترمة وواقفة وراكم”.
