-1- يوميات رئيس تحرير صحيفة قومية متحرش
ايجي ميديا - خاص
رئيس التحرير السابق كان بيكتب ثلاث صفحات في اليوم الواحد بسم الله ماشاء الله -كتيب- اما انا ما بكتبش حتي خبر ولما كنت محرر لما كانوا يقولولي صفحتين ليك في المجلة اصل انا كنت في مجلة قبل ما اجي الجرنال كنت ببقي شايل الهم.
انا رجل لا اعرف الكتابة المستديمة ولا اعرف كيف احضر خبر او اكلم شخص اناقشة واطلع بخبر بس - ايه - الايام والصدف والثورة المباركة خلتني رئيس تحرير.
الحقيقة انا كنت فاكر الجرنال فيه بنات قمرات زي الشربات لكن للاسف 90% منهن محجبات وانا بقرف منهم ومن الناس اللي اسمهم سلفيبن دول ؛ المهم انا بحب الستات جدا حلوين وحشين مش مهم واحب واعشق التحرش يعني لمسة، ضحكة مايصة، ما فيش مانع بوسة.
رئيس التحرير اللي قبلي انقذني مرة من مصيبة الحقيقة كان شهم رغم اني - ما بطيقوش- كنت في مكتبي ودخلت علي بنت متدربه جديد انما ايه قمر 14 حبيت المح الى تحرش جديد اقتربت منها البنت فهمت على طول لقينها بصتلي جامد وقالت لي انا هاصرخ والم عليك الناس قلت في نفسي اكيد بتهزر لمستها بالعافيه وكان يوم يعلم بحاله ربنا، جاء اخوها تاني يوم المؤسسة وحلف ليضربني ولولا الرجل الشهم رئيس التحرير اللي قبلي كان اتعملي محضر في القسم وكانت هتبقي قضية واتحبس لكن الراجل خلص الموضوع ولم الحكاية اللي المؤسسة كلها عرفتها.
أنا بقيت من يومها متحرش من بعيد يعني كلمتين وبس وبعدين خفت إن مراتي تعرف وهي من عيلة ولو العيلة عرفت دول ما بيرحموش المهم ربنا ستر .
أرجع ليكم بقي لما بقيت رئيس تحرير قلت بس كل بنات الجرنال لي أنا الرئيس؛ جت بنت متدربة بتضرب موضوعات من مجلة عربية - كوبي بيست- بنت العبيطة - المهم عملت موضوع مش فاكر حوار مع مين - مش مهم- أنا عرفت زعقت وشخطت وقولت البننت دي تمشي من الجرنال.
لكن اللي حصل إن البنت جت المكتب وبعد ثانية من دخولها المكتب وبدأت تبكي بدموع انا انهرت خلاص قربت مني وهي بتحلف إن زملائها بيكرهوها وانها احسن منهم كل ما تقرب أنا أنهار أكتر - متحرش بقه - حطت راسها على كتفي أنا خلاص فقدت أعصابي - متحرش بقه- طبطبت علي كتفها وبوستها من خدها وقولتها اعملي اللي انتي عايزاه ياحبيتي ارجعي واضربي كل الموضوعات.
وقلت امر كل الموضوعات تنضرب من المجلات ايه يعني المهم التحرش يعيش.
رئيس التحرير اللي قبلي كان بيكتب 1500 خبر في اليوم وكان بيشخط في المحررات الجميلات القمرات اللي مش محجبات ليه؟.. بكرة اقولكم.
رئيس تحرير متحرش