بالعند فيهم.. المسلمين اشتروا زينة أكتر من المسيحيين
«فى عيدهم اوعى تقلدهم» و«تهنئة المسيحيين أو مشاركتهم فى عيدهم حرام» «بابا نويل بدعة» و«لا يجوز شرعا وضع شجرة عيد الميلاد فى بيت المسلم»، دعوات متشددة وجهها بعض السلفيين مؤخرا لكنها لم تلق من المسلمين سوى الرفض والانزعاج والحزن أيضا. «رانيا» فتاة مسلمة تعمل مصممة شموع ومقيمة بالإسكندرية قررت أن تعبر عن غضبها وحزنها على حال البلد بطريقة غير تقليدية فوجهت رسالة إلى بابا نويل قائلة: «عزيزى بابا نويل أنصحك ماتجيش مصر لأنك حتلاقى اخواتنا المسيحيين خايفين مننا، حتلاقى بيوت حزينة مش عارفة تفرح، حتلاقى أطفال كتير ماتوا فى إهمال مزلقان، أطفال اتيتموا علشان كلمة حق، ولو جيت ممكن يقيموا عليك الحد لأنهم مايعرفوش إنك حلم للأطفال والكبار، بنستنى هداياك من عام لعام لأنهم شايفينك بدعة». هذه الدعوات قوبلت برفض مجتمعى شديد، وتأكيدا على أن استقبال العام الجديد بمثابة عيد لكل المصريين زاد إقبال المسلمين على شراء شجر وزينة وإكسسوارات أعياد رأس السنة عن الأعوام الماضية، هذا ما أكده «عماد» صاحب متجر لبيع هدايا ومستلزمات رأس السنة بمصر الجديدة. وأضاف: «السنة دى المسلمين اشتروا من عندى زينة أكتر من المسيحيين نفسهم، بس بصفة العموم نسبة المبيعات قلت بشكل كبير عن السنة الماضية بسبب الظروف الاقتصادية الصعبة وانشغال الناس بالسياسة لكن فجأة حصلت هوجة والناس غيرت رأيها والناس قرروا ينزلوا يشتروا الزينة والشجر وبابا نويل والهدايا فزاد الإقبال وبدأت أبيع».