أسماء محفوظ: مش هنتخب مرسي اللي هيمشي مصر بحكم المرشد، والدم أخر حاجة يتكلم عنها الإخوان
كان فين الاخوان ودم الشهدا وقت محمد محمود وهما بيحتفلوا بنتايج الانتخابات الديمقراطية على دمهم؟! * دلوقتي بقى يتقالنا لو منتخبتوش مرسي يبقى بعتو دم الشهداء ومسئولين عن الدم اللي جاي؟؟!!!! *سيذكر التاريخ أن الإخوان هم مَن باعوا الثورة. كتبت: أماني موسى أعلنت الناشطة الأبريلية "أسماء محفوظ" عبر حسابها على تويتر مقاطعتها لجولة الإعادة بالانتخابات الرئاسية بقولها: لا انتخابات تحت حكم العسكر . واصفة إياها بالتمثيلية الهزلية وبأن شفيق ومرسي وجهان لنظام المجلس العسكري. وحول تراجعها عن تأييد مرسي: أكدت إنها لن تنتخب مرسي بطريقة "لوي الدراع" ومجلس الشعب أهو عمل ايه؟؟ ومرسي هيعمل إيه زيادة؟! وأضافت: إن مرسي هو فقط واجهة الجماعة وإن مصر سيحكمها المرشد حال فوز مرسي بالرئاسة. وتساءلت: السنة ونص اللي فاتو قرارات مكتب الإرشاد والبرلمان كانو مع ولا ضد المجلس العسكري؟؟ ووجهت تساؤل لقيادات الجماعة: مش قلتو إن الإخوان مش نازلين بمرشح؟؟ ليه خلفتوا كلامكم ونزلتوا بمرشح تاني بالرغم من وجود مرشحين تانيين تقدروا تنسقو معاهم؟ وأردفت: عن أي دم تتحدثون؟ الدم أخر حاجة يتكلم عنها الإخوان، محمد محمود اللي اتباعت بالانتخابات واحتفلتوا بعرس الديمقراطية على الدم؟؟ مؤكدة بأن التاريخ سيذكر مَن هم الذين باعوا الثورة في إشارة للإخوان. وأكدت: دلوقتي بقى يتقالنا لو منتخبتوش مرسي يبقى بعتو دم الشهداء ومسئولين عن الدم اللي جاي؟؟!!!! وأرتأت محفوظ أن مصلحة البلد في المواجهة مش المرواغة، وأختتمت: أموت وأنا رافعة راسي وبدافع عن حق بلدي أحسن مليون مرة من إني أعيش وأنا مطاطية راسي لأي حد.